Pangadjian:
Tadjuk Lawihan
Assalamu alaykum warahmatullahi wabarakatuhu.
SAMBAG HA PANGASUBU HI INDAH AEISHA BINT MOHAMMAD TUNGUD HA PAGPAKPAK (Abortion) APABILA AWN SAKIT SIN INAH SIN BATAH-BATAH.
Yari in Fatwa sin manga Ulamah tungud sin pagpakpak batah (Abortion), tipun hi Shaykh Khalid Al-Mushayqih (Hafadhahullah). In fatwa ini landuh tuud mahabah sabab lilay niya in usulan sin pagpakpak batah (abortion) bang kahnu timagnah iban unu in pangatud sin kahulah-hulaan iban kaibanan Agama ha masa nakauna sambil pa bihayaun. Kiyawah ku sadja in topic amuin kalagihan ha pangasubu sin hambuuk taymanghud biyah kan Aeisha Bint Mohammad.
Yari in jawab sin pangasubu niya sartah lilayan sin manga Ulamah.
PAGPAKPAK BATAH (Abortion) HA HAL KALAGIHAN TUUD (necessary) HA PANUGUTI SIN SHARAH SIN AGAMA ISLAM.
In hantang niya; bang in hantih sin batah-batah halaum tiyan sin inah niya mangdahi pa hikapiligru sin kabuhih sin inah, biyah sin upama in inah niya tagasakit ha atay atawa sakit breast cancer, blood cancer, cervical cancer atawa unu-ununa sakit amuin apabila in batah-batah lumugay halaum sin pakandangan sin inah niya mangdahi pa kumansang in sakit sin inah sampay pa hikapiligru sin kabuhih niya.! Nah unu in pangatud sin Sharah sin Agama Islam manjari na siya pakpakun atawa dih manjari.??
In masaalla ini duwa in hal niya:
1- Pakpakun ha hal sin batah-batah walah pa kiyahuyupan NYAWA (kabuhih).
2- Pakpakun puas in batah-batah kiyahuyupan na Nyawa (kabuhih).
1- IN HAL PANAGNAAN: apabila dih pa jumukup in ummul sin batah-batah halaum tiyan sin Inah niya UPAT BULAN, nah in hal yan walah pa kiyahuyupan kabuhih.
Laung sin manga Ulamah ha masa bihayaun; manjari na pakpakun in batah-batah apabila in hal sin pagpakpak (abortion) ini mahinang hikasalamat sin kabuhih sin Inah niya iban in hantih sin batah-batah mahinang hikapiligru sin kabuhih sin inah niya, amuini in Fatwa sin Lajna da-imah ha Saudi Arabia tahun 1416 Hijriyah laung niya: " DIH MANJARI PAKPAKUN IN BATAH PIYAGBURUS – HA WALAH PA KIYAHUYUPAN NYAWA – SAHINGGA AWN QARAR (DECISION) SIN TUMPUKAN SIN MANGA DOCTOR KAPANGANDULAN HA BANG LUMUGAY IN BATAH HALAUM PAKANDANGAN MAHINANG HIKAPILIGRU HA INAH NIYA, HA PUAS KAPUSPUS SIN KATAN TIRANAN AMUIN HIKAUBAT SIN SAKIT ".
DALIL SIN FATWA INI:
Piyagdalil nila in Qa'ida Fiqhiyyah;
يختار أهون الشرين،
PINIUN IN MAGAAN HA DUWA MUDARAT
الضرر الأشد يزال بالضرر الأخف،
" IN MUDARAT MABUGGAT (MALAGGUH) HISULAK SIN MUDARAT MAGAAN "
In pagpakpak ha batah-batah in ini hambuuk Mudarat, ampa in mapatay in Inah niya in ini mudarat da isab; duun ha ini subay hisulak sin mudarat magaan in mudarat mabuggat, nah in pakpakun in batah-batah magaan dain sin mapatay in Inah niya.
Ampa in hukuman sin pagpakpak in siya haram sagawah hikasulak siya sin hambuuk Qa'idah ini:
الضرورات تبيح المحظورات
AMPA IN MUDARAT (PARKALAH KALALAGIHAN TUUD (necessary) JARIHUN NIYA IN PIYANGLANGAN SIN SHARAH
In manga Ulamah ha masa bihayaun jiyari nila in pagpakpak ha manga Sharat (condition) masabbut ini:
a)- Apabila mamattan sin awn sakit sin inah amuin hikamula kaniya.
b)- Apabila wayruun na tuud kabakan ubat sin sakit ini malaingkan amura kuman in pakpakun in batah-batah.
c)- Subay awn decision dain ha Doctor kapangandulan ha sabunnal tuud in pagpakpak amura in tiranan hikasalamat ha kabuhih sin inah.
Nah bang majukup in manga Sharat ini jiyari na pakpakun in batah-batah amuin piyagbuburus.
2- IN HAL HIKADUWA: pakpakun puas na hiyuyupan kabuhih, hatiniya apabila majukup na UPAT BULAN halaum tiyan sin Inah niya sampay pa lumabi.
In hal ini duun naka pakpakun patayun in batah-batah halaum tiyan hasupaya masalamat in inah niya atawa paruunun na halaum tiyan in batah-batah sah magmula in inah niya (mapatay).
HUKUMAN NIYA:
Nabahagih in manga Ulamah pa duwa Tumpukan;
1)- Dih manjari pakpakun misan pa mangdahi pa hikamatay sin inah niya.
2) Manjari pakpakun apabila in pagpakpak mamattan tuud sin hikasalamat sin Inah niya.
1)- IN KAUL PANAGNAAN: Agun-agun nahambuuk in manga Ulamah ha masa nakauna sin HARAM pakpakun in batah-batah misan pa hikamatay sin Inah niya, amuini in papanaw iyagaran hi Shaykh Salih Al-Uthaymeen (rahimahullah).
DALIL NILA:
Laung sin tumpukan ini; wayruun nagsulang in papanaw sin manga Ulamah ha sabunnal tuud dih manjari patayun sin hangkatau in hambuuk tau misan pa siya lugusun iban misan pa in pangdaak kaniya mahinang paranan sin hikamula isab kaniya. Duun ha ini; biyah da sin kahantang sin dih manjari patayun (pakpakun) in batah-batah halaum tiyan hasupaya mahinang sabab sin hikasalamat sin inah niya.
Damikkiyan laung nila: Natibuuk in manga Ulamah apabila awn hambuuk tau agun na mapatay sin hapdih nah dih niya manjari patayun in hambuuk tau hasupaya awn makaun niya iban masalamat siya dain ha patay hapdih. Nah biyah da sin kahantang ini dih manjari patayun in batah-batah hasupaya masalamat in inah niya.
Damikkiyan laung nila: Nasabbut hi Ibn Nujaim laung niya: In buhiun in hambuuk ginhawa karnah sin hambuuk ginhawa in yan walah nasabbut hakadalil-dalilan ha puas tipun in katan dalil Sharah.
2)- IN KAUL HIKADUWA: Amuna in papanaw sin manga Ulamah ha masa bihayaun laung nila; Apabila mamattan tuud (100%) sin hikasalamat sin inah apabila pakpakun in batah-batah nah in parkalah ini jiyari sin Sharah.
DALIL NILA:
a)- Dalil panagnaan; In batah-batah hakabiyaksahan dih siya mabuhih halaum tiyan apabila mapatay in inah niya, nah duun naka pakpakun siya hasupaya masalamat in inah niya sabab hakamawmuhan bang mapatay in inah mapatay ra isab in anak halaum tiyan sabab in batah-batah biyah da saparati tingian sin ginhawa sin inah niya.
Sambag ha dalil panagnaan: In dalil ini durung-dungan sin akkal, sabab in manga Ulamah nakauna nakapamung sila apabila mapatay in babai burus nah manjari ukabun in tiyan niya (operahan) hasupaya masalamat in batah-batah halaum tiyan, nah biyah diin na ha masa bihayaun (HiTech) manjari na ipatun in batah-batah halaum INCUBATOR misan pa dih majukup unum bulan, duun ha ini awn labayan ipatun in batah-batah sahingga lumagguh siya.
b)- Dalil hikaduwa; In batah-batah agad ha inah niya iban tingian (part) sin ginhawa niya, ha kiyapag ittipakan sin manga Ulamah hasabunnal tuud manjari uturun in tingian (part) sin baran sin hangkatau bang hikasalamat sin tibuwsan baran niya, biyah sin hambuuk tau nasasakit sin sakit mangih in kaibanan anggawtah niya biyah sin paa niya atawa buktun niya nah bang paruunun in sakit ini magmula in katan baran niya, sah bang uturun in paa atawa buktun niya amuin tagasakit mangih tantu masalamat siya. Duun haini biyah da sin kahantang sin babai burus apabila hikakangih kaniya in batah-batah halaum sin tiyan niya nah manjari na igun hasupaya siya masalamat.
Sambag ha dalil hikaduwa; In pagkiyas (pagpasibuh) sin hukuman ini landuh tuud malayuh in piyagbiddaan niya, sabab in tiyap-tiyap ginhawa nila duwa awn halgah iban nagbubutas nagdudugaing-dugaing.
c)- Dalil hikatuw: piyagdalil nila in duwa Qawa'id fiqhiyyah
المشقة تجلب التيسير.
IN KASIGPITAN MANGAMBITI PA HIKALUHAY
ويرتكب أهون الشرين.
HINANGUN IN SAGAAN-GAAN HA DUWA MUDARAT.
Wallahu A'lam
SAMBAG HA PANGASUBU HI INDAH AEISHA BINT MOHAMMAD TUNGUD HA PAGPAKPAK (Abortion) APABILA AWN SAKIT SIN INAH SIN BATAH-BATAH.
Yari in Fatwa sin manga Ulamah tungud sin pagpakpak batah (Abortion), tipun hi Shaykh Khalid Al-Mushayqih (Hafadhahullah). In fatwa ini landuh tuud mahabah sabab lilay niya in usulan sin pagpakpak batah (abortion) bang kahnu timagnah iban unu in pangatud sin kahulah-hulaan iban kaibanan Agama ha masa nakauna sambil pa bihayaun. Kiyawah ku sadja in topic amuin kalagihan ha pangasubu sin hambuuk taymanghud biyah kan Aeisha Bint Mohammad.
Yari in jawab sin pangasubu niya sartah lilayan sin manga Ulamah.
PAGPAKPAK BATAH (Abortion) HA HAL KALAGIHAN TUUD (necessary) HA PANUGUTI SIN SHARAH SIN AGAMA ISLAM.
In hantang niya; bang in hantih sin batah-batah halaum tiyan sin inah niya mangdahi pa hikapiligru sin kabuhih sin inah, biyah sin upama in inah niya tagasakit ha atay atawa sakit breast cancer, blood cancer, cervical cancer atawa unu-ununa sakit amuin apabila in batah-batah lumugay halaum sin pakandangan sin inah niya mangdahi pa kumansang in sakit sin inah sampay pa hikapiligru sin kabuhih niya.! Nah unu in pangatud sin Sharah sin Agama Islam manjari na siya pakpakun atawa dih manjari.??
In masaalla ini duwa in hal niya:
1- Pakpakun ha hal sin batah-batah walah pa kiyahuyupan NYAWA (kabuhih).
2- Pakpakun puas in batah-batah kiyahuyupan na Nyawa (kabuhih).
1- IN HAL PANAGNAAN: apabila dih pa jumukup in ummul sin batah-batah halaum tiyan sin Inah niya UPAT BULAN, nah in hal yan walah pa kiyahuyupan kabuhih.
Laung sin manga Ulamah ha masa bihayaun; manjari na pakpakun in batah-batah apabila in hal sin pagpakpak (abortion) ini mahinang hikasalamat sin kabuhih sin Inah niya iban in hantih sin batah-batah mahinang hikapiligru sin kabuhih sin inah niya, amuini in Fatwa sin Lajna da-imah ha Saudi Arabia tahun 1416 Hijriyah laung niya: " DIH MANJARI PAKPAKUN IN BATAH PIYAGBURUS – HA WALAH PA KIYAHUYUPAN NYAWA – SAHINGGA AWN QARAR (DECISION) SIN TUMPUKAN SIN MANGA DOCTOR KAPANGANDULAN HA BANG LUMUGAY IN BATAH HALAUM PAKANDANGAN MAHINANG HIKAPILIGRU HA INAH NIYA, HA PUAS KAPUSPUS SIN KATAN TIRANAN AMUIN HIKAUBAT SIN SAKIT ".
DALIL SIN FATWA INI:
Piyagdalil nila in Qa'ida Fiqhiyyah;
يختار أهون الشرين،
PINIUN IN MAGAAN HA DUWA MUDARAT
الضرر الأشد يزال بالضرر الأخف،
" IN MUDARAT MABUGGAT (MALAGGUH) HISULAK SIN MUDARAT MAGAAN "
In pagpakpak ha batah-batah in ini hambuuk Mudarat, ampa in mapatay in Inah niya in ini mudarat da isab; duun ha ini subay hisulak sin mudarat magaan in mudarat mabuggat, nah in pakpakun in batah-batah magaan dain sin mapatay in Inah niya.
Ampa in hukuman sin pagpakpak in siya haram sagawah hikasulak siya sin hambuuk Qa'idah ini:
الضرورات تبيح المحظورات
AMPA IN MUDARAT (PARKALAH KALALAGIHAN TUUD (necessary) JARIHUN NIYA IN PIYANGLANGAN SIN SHARAH
In manga Ulamah ha masa bihayaun jiyari nila in pagpakpak ha manga Sharat (condition) masabbut ini:
a)- Apabila mamattan sin awn sakit sin inah amuin hikamula kaniya.
b)- Apabila wayruun na tuud kabakan ubat sin sakit ini malaingkan amura kuman in pakpakun in batah-batah.
c)- Subay awn decision dain ha Doctor kapangandulan ha sabunnal tuud in pagpakpak amura in tiranan hikasalamat ha kabuhih sin inah.
Nah bang majukup in manga Sharat ini jiyari na pakpakun in batah-batah amuin piyagbuburus.
2- IN HAL HIKADUWA: pakpakun puas na hiyuyupan kabuhih, hatiniya apabila majukup na UPAT BULAN halaum tiyan sin Inah niya sampay pa lumabi.
In hal ini duun naka pakpakun patayun in batah-batah halaum tiyan hasupaya masalamat in inah niya atawa paruunun na halaum tiyan in batah-batah sah magmula in inah niya (mapatay).
HUKUMAN NIYA:
Nabahagih in manga Ulamah pa duwa Tumpukan;
1)- Dih manjari pakpakun misan pa mangdahi pa hikamatay sin inah niya.
2) Manjari pakpakun apabila in pagpakpak mamattan tuud sin hikasalamat sin Inah niya.
1)- IN KAUL PANAGNAAN: Agun-agun nahambuuk in manga Ulamah ha masa nakauna sin HARAM pakpakun in batah-batah misan pa hikamatay sin Inah niya, amuini in papanaw iyagaran hi Shaykh Salih Al-Uthaymeen (rahimahullah).
DALIL NILA:
Laung sin tumpukan ini; wayruun nagsulang in papanaw sin manga Ulamah ha sabunnal tuud dih manjari patayun sin hangkatau in hambuuk tau misan pa siya lugusun iban misan pa in pangdaak kaniya mahinang paranan sin hikamula isab kaniya. Duun ha ini; biyah da sin kahantang sin dih manjari patayun (pakpakun) in batah-batah halaum tiyan hasupaya mahinang sabab sin hikasalamat sin inah niya.
Damikkiyan laung nila: Natibuuk in manga Ulamah apabila awn hambuuk tau agun na mapatay sin hapdih nah dih niya manjari patayun in hambuuk tau hasupaya awn makaun niya iban masalamat siya dain ha patay hapdih. Nah biyah da sin kahantang ini dih manjari patayun in batah-batah hasupaya masalamat in inah niya.
Damikkiyan laung nila: Nasabbut hi Ibn Nujaim laung niya: In buhiun in hambuuk ginhawa karnah sin hambuuk ginhawa in yan walah nasabbut hakadalil-dalilan ha puas tipun in katan dalil Sharah.
2)- IN KAUL HIKADUWA: Amuna in papanaw sin manga Ulamah ha masa bihayaun laung nila; Apabila mamattan tuud (100%) sin hikasalamat sin inah apabila pakpakun in batah-batah nah in parkalah ini jiyari sin Sharah.
DALIL NILA:
a)- Dalil panagnaan; In batah-batah hakabiyaksahan dih siya mabuhih halaum tiyan apabila mapatay in inah niya, nah duun naka pakpakun siya hasupaya masalamat in inah niya sabab hakamawmuhan bang mapatay in inah mapatay ra isab in anak halaum tiyan sabab in batah-batah biyah da saparati tingian sin ginhawa sin inah niya.
Sambag ha dalil panagnaan: In dalil ini durung-dungan sin akkal, sabab in manga Ulamah nakauna nakapamung sila apabila mapatay in babai burus nah manjari ukabun in tiyan niya (operahan) hasupaya masalamat in batah-batah halaum tiyan, nah biyah diin na ha masa bihayaun (HiTech) manjari na ipatun in batah-batah halaum INCUBATOR misan pa dih majukup unum bulan, duun ha ini awn labayan ipatun in batah-batah sahingga lumagguh siya.
b)- Dalil hikaduwa; In batah-batah agad ha inah niya iban tingian (part) sin ginhawa niya, ha kiyapag ittipakan sin manga Ulamah hasabunnal tuud manjari uturun in tingian (part) sin baran sin hangkatau bang hikasalamat sin tibuwsan baran niya, biyah sin hambuuk tau nasasakit sin sakit mangih in kaibanan anggawtah niya biyah sin paa niya atawa buktun niya nah bang paruunun in sakit ini magmula in katan baran niya, sah bang uturun in paa atawa buktun niya amuin tagasakit mangih tantu masalamat siya. Duun haini biyah da sin kahantang sin babai burus apabila hikakangih kaniya in batah-batah halaum sin tiyan niya nah manjari na igun hasupaya siya masalamat.
Sambag ha dalil hikaduwa; In pagkiyas (pagpasibuh) sin hukuman ini landuh tuud malayuh in piyagbiddaan niya, sabab in tiyap-tiyap ginhawa nila duwa awn halgah iban nagbubutas nagdudugaing-dugaing.
c)- Dalil hikatuw: piyagdalil nila in duwa Qawa'id fiqhiyyah
المشقة تجلب التيسير.
IN KASIGPITAN MANGAMBITI PA HIKALUHAY
ويرتكب أهون الشرين.
HINANGUN IN SAGAAN-GAAN HA DUWA MUDARAT.
Wallahu A'lam
