Unu baha' makananam in nywa bang mag-ajab ha baran halaum pakubulan?

Pangasubu:

Mahfoudz Abdusakur

Salam... Pangasubu pa manga kaguruhan, Bang waktu na ha laum pakubulan mag-ajab ha Tau bardusa, unu baha makananam daisab in nywalihan niya bang in jasad niya ajabun? Magsukul..

Jawab:
Abu AbdirRahmaan

Bismillahi walhamdulillah wassalaatu wassalaamu 'alaa Rasulillah...

In kariasali sin pagsiksa’ ha ruuh sambatan hi Sheikh Al-Uthaymeen (rahimahullah)…. Malaingkan in ruuh iban sin baran aun parsugpatan niya misan nabubutas,, bang nakananam in ruuh sakit atawa dayaw parasahan, na' damikkiyan in baran, bang isab nakanaman in baran sakit damikkiyan in ruuh.
Ha tungud sin pagsiksa’ ha jasad iban ruuh naa’ kiyabayta’ ha hadeeth hi Al-Baraa’ bin Aazib  

Hadeeth ha tungud sin kamatay

Bismillaahi walhamdulillaah was salaatu was salaamu ‘alaa rasuwlillaah

وعن البراء بن عازب قال: خرجنا مع النبي صلى الله عليه وسلم في جنازة رجل من الأنصار فانتهينا إلى القبر

Iban bayta’ dayng kan Al-Baraa’ bin ‘Aazib radiallaahu ‘anhu, in agi niya: Gimuwa’ kami iban sin rasuwlullaah sallallaahu ‘alayhi wa sallam pa janaaza sin hambu’uk usug dayng ha Al-Ansaar naa’ dimatung man kami pa kubul

 ولما يلحد فجلس رسول الله صلى الله عليه وسلم وجلسنا حوله كأن على رؤوسنا الطير وفي يده عود ينكت به في الأرض فرفع رأسه فقال: “استعيذوا بالله من عذاب القبر” مرتين أو ثلاثا

Iban atatkala’ piyasud na pa laum kubul (in nawafat) naa’ limingkud in rasuwlullaah sallallaahu ‘alayhi wa sallam sarta’ limingkud kami ha katilibut niya biya’ sin saka’ula-ula awn ha ta’as uw namu’ manuk-manuk (wayru’un misan hambu’uk naghibal) iban awn ha lima niya lituk piyagsulat/piyagkahig-kahig ha lupa’ naa’ iyangkat niya in uw niya sarta’ nagsabda: Pagpatilibun kamu ha Allaah dayng ha siksa’ sin kubul, (siyabbut niya) nakaruwa atawa nakatuw

 ثم قال: “إن العبد المؤمن إذا كان في انقطاع من الدنيا وإقبال من الآخرة نزل إليه من السماء ملائكة بيض الوجوه كأن وجوههم الشمس معهم كفن من أكفان الجنة وحنوط من حنوط الجنة حتى يجلسوا منه مد البصر ثم يجيء ملك الموت حتى يجلس عند رأسه فيقول: أيتها النفس الطيبة اخرجي إلى مغفرة من الله ورضوان”

Pagpuwas in agi niya:Sabunnal tu’ud in hambu’uk iypun bar-eeman apabila ha waktu sin pagbugtu’ (sin nyawa) niya dayng ha dunya iban pag-alup niya pa adlaw aakhirat (in maksud sung na mawafat) mana’ug ma’un kaniya dayng ha ta’as sin langit in kamalaa’ikatan nagsasahaya in pamayhu’an nila biya’ sin saka’ula-ula in pamayhu’an nila (nagsasahaya biya’) suga nagdaraa sila saput dayng ha mga saput sin sulga’ iban lana-mahamut dayng ha lana-mahamut sin sulga’ sahingga limingkud sila du’un kaniya (in ta’ud nila biya’ sin) layu’ sin pangatud pagpuwas dumatung na in malakul mawt sahingga limingkud siya ha tungud sin uw niya naa’ in agi niya: Yaa kaw nafs/nyawa marayaw guwa’ na kaw pa ka’ampunan dayng ha Allaah iban rida’(pagkugkuyag dayng Kaniya).

 قال: “فتخرج تسيل كما تسيل القطرة من في السقاء فيأخذها فإذا أخذها لم يدعوها في يده طرفة عين حتى يأخذوها فيجعلوها في ذلك الكفن وفي ذلك الحنوط ويخرج منها كأطيب نفحة مسك وجدت على وجه الأرض” قال: “فيصعدون بها فلا يمرون – يعني بها – على ملأ من الملائكة إلا قالوا: ما هذه الروح الطيب

ٍSabda sin rasuwlullah sallallaahu ‘alayhi wa sallam: naa’ gumuwa’ na umanud biya’ sin pag-anud sin tubig dayng ha lulu’unan niya, naa’ kawa’un niya siya iban di’ lumugay hangkasasa’at ha lima niya kawa’un nila (mga malaa’ikat) sarta’ hibutang nila ha saput iban butangan lana-mahamut nasabbut naa’ maghamut na siya biya’ sin sahamut-hamut lana-mahamut kabakan ha babaw sin lupa’, sabda niya (sallallaahu ‘alayhi wa sallam): naa’ dahun na nila umangat siya iban wayru’un makalabay dayng kaniya tumpukan dayng ha mga malaa’ikat malaingkan in agi nila: Unu in nyawa mahamut ini?

 فيقولون: فلان بن فلان بأحسن أسمائه التي كانوا يسمونه بها في الدنيا حتى ينتهوا بها إلى سماء الدنيا فيستفتحون له فيفتح له فيشيعه من كل سماء مقربوها إلى السماء التي تليها حتى ينتهى بها إلى السماء السابعة – فيقول الله عز وجل: اكتبوا كتاب عبدي في عليين وأعيدوه إلى الأرض فإني منها خلقتهم وفيها أعيدهم ومنها أخرجهم تارة أخرى

In agi nila (mga malaa’ikat nagdaraa kaniya): Hi kuwan anak hi kuwan (ngaanan/tawagun siya sin) sarayaw-rayaw ngaan niya amu’in ka’awnan nila hipagtag nila kaniya ha waktu ha dunya sahingga sila dumatung pa langit dunya naa’ magpa’ukab sila, naa’ ukaban kanila in lawang, sarta’ dahun siya dayng ha hambu’uk langit pa hambu’uk sampay dumatung sila pa langit hika-pitu, magfarman in Allaah: Sulatan Niyu in kitaab sin iypun Ku ha illiyeeen iban balika niyu na siya pa lupa’ sabab bunnal tu’ud hinang Namu’ sila dayng ha lupa’ iban madtu kaniya pabalikun Ku sila iban dayng kaniya paguwa’un Ku sila magbalik.

 قال: “فتعاد روحه فيأتيه ملكان فيجلسانه فيقولون له: من ربك؟ فيقول: ربي الله فيقولون له: ما دينك ؟ فيقول: ديني الإسلام فيقولان له: ما هذا الرجل الذي بعث فيكم؟ فيقول: هو رسول الله صلى الله عليه وسلم فيقولان له: وما علمك؟ فيقول: قرأت كتاب الله فآمنت به وصدقت فينادي مناد من السماء أن قد صدق فأفرشوه من الجنة وألبسوه من الجنة وافتحوا له بابا إلى الجنة” قال: “فيأتيه من روحها وطيبها ويفسح له في قبره مد بصره”

Sabda niya (sallallaahu ‘alayhi wa sallam) naa’ hibalik na kaniya in ruuh niya sarta’ dumatung na in duwa malaa’ikat, palingkurun siya sin duwa malaa’ikat iban in hipamung nila: Hisiyu in Tuhan mu? Naa’ in agi niya: In Tuhan ku Allaah, in agi nila: Unu in aagama mu? In agi niya: in aagama ku Al-Islaam, in agi sin duwa malaa’ikat: Hisiyu in hambu’uk usug ini amu’in piyara kaniyu? Naa’ in agi niya: Siya sin da’ak sin Allaah sallallaahu ‘alayhi wa sallam, naa’ in agi sin duwa malaa’ikat kaniya: Iban unu in nagpa’ingat kaymu? In agi niya: nabassa ku ha kitaab sin Allaah sarta’ nag-eeman aku kaniya iban kimahagad aku kaniya, naa’ manawag-tawag na in mananawag-tagad dayng ha ta’as sin langit sin bunnal tu’ud tantu sabunnal siya ha mga himumungan niya naa’ hiklari niyu kulangan dayng ha sulga’ iban tamungi niyu dayng ha sulga’ iban ukaba niyu kaniya in hambu’uk lawang sin sulga’, sabda sin rasuwlullaah sallallaahu ‘alayhi wa sallam, naa’ dagpakan na siya sin kasanyangan iban karayawan iban palu’agun na kaniya in kubul niya biya’ sin lu’ag sin abutan sin pangatud niya.

قال: “ويأتيه رجل حسن الوجه حسن الثياب طيب الريح فيقول: أبشر بالذي يسرك هذا يومك الذي كنت توعد فيقول له: من أنت؟ فوجهك الوجه يجيء بالخير فيقول: أنا عملك الصالح فيقول: رب أقم الساعة رب أقم الساعة حتى أرجع إلى أهلي ومالي”.

In agi niya: Iban dumatung mawn kaniya in hambu’uk usug marayaw in pamayhu’an, panamung sarta’ mahamut naa’ in agi niya: pagkugkuyag kaw ha karayawan mu, amuna ini in adlaw mu amu’in jiyanji’ kaymu, naa’ in agi niya kaniya: Hisiyu kaw? In pamayhu’an mu bayhu’ nagdaraa karayawan, naa’ in agi niya: Aku in ammal mu marayaw (ha dunyaa), naa’ in agi niya: Yaa Allaah paratunga na in qiyaamat, yaa Allaah paratunga na in qiyaamat ha supaya makabalik na aku pa ahli ku iban alta’ ku.

 قال:”وإن العبد الكافر إذا كان في انقطاع من الدنيا وإقبال من الآخرة نزل إليه من السماء ملائكة سود الوجوه معهم المسوح فيجلسون منه مد البصر ثم يجيء ملك الموت حتى يجلس عند رأسه فيقول: أيتها النفس الخبيثة اخرجي إلى سخط من الله”

Sabda niya: Iban bunnal tu’ud in iypun kaafir apabila in ka’awnan niya mabugtu’ na dayng ha dunyaa sarta’ umalup na pa aakhirat mana’ug dayng ha ta’as sin langit in mga malaa’ikat itum in pamayhu’an nagdaraa al-masuwh (tamungud pagsusu’lugun sin tukang-basi’ mabahu’) naa lumingkud ha hadarat niya (in ta’ud nila biya’ layu’ sin) abutan sin pangatud pagpuwas dumatung na in malakul mawt sampay makalingkud ha tungud sin uw niya, naa in hipamung niya: Yaa kaw nafs/nyawa al-khabeetha(landu’ mangi’) guwa’ na kaw pa dugal dayng ha Allaah.

 قال: “فتفرق في جسده فينتزعها كما ينتزع السفود من الصوف المبلول فيأخذها فإذا أخذها لم يدعوها في يده طرفة عين حتى يجعلوها في تلك المسوح ويخرج منها كأنتن ريح جيفة وجدت على وجه الأرض

Sabda sin rasuwlullaah sallallaahu ‘alayhi wa sallam: Naa’ nabutas na in nyawa ha baran niya sarta’ larutun in nyawa niya sin makalul mawt biya’ paglarut sin jangat dayng ha pais sapi’ basa’/buhi’-buhi’an, naa’ apabila nakawa’ niya na, di’ niya palugayun ha lima niya misan hangkan kidjap mata malaingkan hibutang nila magtuwi pa amu’in almasuwh, naa’ gumuwa’ na dayng ha almasuwh ya’un in sabahu’-bahu’ hangin kabakan ha babaw sin gumi’.

 فيصعدون بها فلا يمرون بها على ملأ من الملائكة إلا قالوا: ما هذا الروح الخبيث ؟ فيقولون: فلان بن فلان – بأقبح أسمائه التي كان يسمى بها في الدنيا – حتى ينتهي بها إلى السماء الدنيا فيستفتح له فلا يفتح له ” ثم قرأ رسول الله صلى الله عليه وسلم ( لا تفتح لهم أبواب السماء ولا يدخلون الجنة حتى يلج الجمل في سم الخياط )

Naa’ dahun na sin mga malaa’ikat pa ta’as, wayru’un in kalabayan nila dayng ha mga tumpukan sin malaa’ikat malaingkan in agi nila: Unu in ruuh malummi’ yan? In agi nila hi: Hi kuwan anak hi kuwan, ngaanan siya sin sangi’-ngi’ ngan amu’in piyagngaan kaniya ha dunyaa, sahingga maka’abut na sila pa langit dunyaa sarta’ magpa’ukab, naa’ di’ ukaban kaniya in langit, pagpuwas biyassa sin rasuwlullaah sallallaahu ‘alayhi wa sallam “di’ ukabun kanila in kalawang-lawangan sin langit iban di’ sila makasud sulga’ sahingga makasud in unta’ ha lungag sin jaum”.

 فيقول الله عز وجل: اكتبوا كتابه في سجين في الأرض السفلى فتطرح روحه طرحا ثم قرأ: (ومن يشرك بالله فكأنما خر من السماء فتخطفه الطير أو تهوي به الريح في مكان سحيق)

 فتعاد روحه في جسده

Naa’ magfarman in Allaah: Sulata niyu in kitaab niya ha sijjeen ha sababa’-baba’ na darajat sin lupa’, pagpuwas hitilu’ in ruuh niya dayng ha ta’as pa baba’ sin tilu’ sakusug-kusug, pagpuwas biyassa sin rasuwlullaah sallallaahu ‘alayhi wa sallam in aayat “hisiyu-siyu in magsakutu ha Allaah biya’ da siya nahulug dayng ha ta’as langit sarta’ liyagit sin manuk-manuk  atawa dahun siya sin hangin pa lugal malayu’”

 ويأتيه ملكان فيجلسانه فيقولان له : من ربك : فيقول : هاه هاه لا أدرى فيقولان له : ما دينك ؟ فيقول : هاه هاه لا أدري فيقولان له : ما هذا الرجل الذي بعث فيكم ؟ فيقول : هاه هاه لا أدري فينادي مناد من السماء أن كذب عبدي فأفرشوا له من النار وافتحوا له بابا إلى النار فيأتيه حرها وسمومها ويضيق عليه قبره حتى تختلف فيه أضلاعه ويأتيه رجل قبيح الوجه قبيح الثياب منتن الريح فيقول أبشر بالذي يسوؤك هذا يومك الذي كنت توعد فيقول : من أنت ؟ فوجهك الوجه يجيء بالشر فيقول : أنا عملك الخبيث فيقول : رب لا تقم الساعة

Naa’ hibalik na in ruuh Niya pa jasad niya, iban dumatung na ma’un kaniya in duwa malaa’ikat, in agi nila: Hisiyu in Tuhan mu?, in jawab niya: Haa? Haa? Di’ ku ka’ingatan, in agi nila kaniya: Unu in aagama mu?, in agi niya: Haa? Haa? Di’ ku ka’ingatan, hisiyu in usug ini amu’in piyaraa ma’un kaniyu?, in agi niya: Haa? Haa? Di’ ku ka’ingatan, naa’ manawag-tawag na in magtatawag dayng ha ta’as sin langit, putingan in iypun ku, hiklari niyu siya kukulangan dayng ha narka’ iban ukaba niyu kaniya in lawang pa narka’ naa’ mag-angsu na in pasu’ sin narka’ iban lassun niya iban sumigpit na in kubul niya sampay magliyu in gusuk niya, sarta’ dumatung na kaniya in hambu’uk usug landu’ mangi’ in pamayhu’an, landu’ malummi’ in tamungun, landu’ mabahu’, in agi niya: pagkugkuyag na kaw ha kangiyan mu, in adlaw ini adlaw mu amu’in kiyajanji’ kaymu, in agi niya: hisiyu kaw? In bayhu’ mu yan biya’ bayhu’ nagdaraa kangiy’an, in agi niya: Aku na sa ini in ammal mu mangi’, in agi niya: Yaa rabb, ayaw paratunga in adlaw qiyaamat. [Musnad Imaam Ahmad bin Hanbal rahimahullaah, miyattan hi Imaam Al-Albaaniy rahimahullaah]

     Ha tungud isab sin pagsiksa’ ha baran kiyabayta’ sin rasuwlullaah sallallaahu ‘alayhi wa sallam dayng kan Anas bin Maalik radiallaahu ‘anhu in haal sin hambu’uk kaafir “…iban sumigpit in kubul niya sampay magliyu in mga gusuk niya” [Jaami' As-Sagheer wa ziyaadatuh hi Imaam Al-Albaaniy rahimahullaah]

     Ha tungud isab sin pagsiksa’ ha ruuh naa’ biya’ na hambu’uk ta’u saupama natunaw in baran atawa miyustak in baran atawa siyunug in baran naa’ biya’ na sin sambat bang siya siksa’un atawa dihilan karayawan ya’un da in ruuh niya, sumagawa’ ha adlaw aakhirat punun da balik sin Allaah in jasad sin ta’u ini ampa siya buhi’un.

    In matampal bang ha adlaw aakhirat hinangan magbalik sin Allaah jasad in maanusiya’ misan natunaw na in jasad niya, mahambu’uk naysab magbalik in ruuh iban jasad pananamun sin Allaah karayawan atawa siksa’.

Wallaahu a’lam bissawaab