Pangadjian:
Fahad Haris
Manga ammal ibadat wajib subay hinangun sin kababaihan muslim
- Subay siya mag-mabugah pa allah huminang sin manga diyaakan kaniya iban tinggalan in katan piyanglangan kaniya .
- Wajib siya mag-lima waktu sambahayang ha tiyap-tiyap dum iban adlaw .
- Wajib siya mag-puasa ha bulan Ramadan
- Wajib siya mag-zakat sin altah niya bang sawpama niya aun altah .
- Wajib siya mag-naikhadjih pa baytullau al-haram bang sawpama niya najukup duun kaniya in sarat sin pag-hadjih .
- Wajib siya mag-baktih pa duwa maas niya ha katan piyangdaakan kaniya sin maas niya ha bukun sulang ha daakan sin allah iban rasul niya .
- Wajib siya mag-taat pa bana niya ha katan piyangdaakan kaniya sin maas niya ha bukun sulang ha daakan sin allah iban rasul niya .
- Wajib niya parihalaun in awrat iban kamaruhan niya .
- Hiyaram ha hambuuk babai muslim gumuwah siya daing ha laum bay niya ha bukun labay ha duwa maas niya .
- Hiyaram ha hambuuk babai taga pag-hulah-hulah gumuwah siya daing ha laum bay niya ha wayruun panugut sin bana niya kaniya .
- Hiyaram ha babai mag-pasud in babai pa laum bay niya kausugan amuin maharus kaniya .
- Wajib ha hambuuk babai parihalaun in baran niya dana in anak iban altah sin bana niya ha sahbu in bana niya ha tulakan .
- Hiyaram ha hambuuk babai tumulak duun nakan tulak mag-hinang iban sin dugaing niya apabila wayruun mahram niya .
- Hiyaram ha babai in mag-susu sin kilay niya sartah bang niya nahinang nakasud siya pa lahnat sin allah .
- Hiyaram ha babai in mag-kiyutex sumagawah in passal jiyari .
- Hiyaram ha babai mag-usug-usug biyah na mag-tomboy .
- Dih manjari ha hambuuk babai mag-pahabah sin kukkuh niya .
- Dih maharus ha hambuuk babai mangliyu lakad siya ha bana niya iban mag-uhan pa pag-hulah-hulah nila sabab dih mag-kasanyangan in pag-hulah hulah apabila babai in nag-uhanan kaniya .
- Bang siya gumuwah daing ha laum bay niya subay siya mag-paiban ha manga taymanghud niya .
