Pangasubu:
DhenJemar Jami
Assalamu alaykum wa rahmatullahi wa barakatuhu... Manga taymanghud ku, aun ini tiyu'-tiyu' pangsubu ku. Unu in karayawan niya bang in hambu'uk ta'u in siya daran nagsasabbut sin Ash-hadu an la ilaaha illallah ,,,Astagfirullah?
Jawab:
Abu AbdurRahmaan
Bismillaahi walhamdulillaah wassalaatu wassalaamu 'alaa Rasulillah..
Ha tungud sin shahada, paglapal sin Ash-hadu an laa ilaaha illallah, di' siya magmunpa'at ha hisiyu-siyu way nakahati sin maksud niya,, hangkan nawaajib in pagtuntut ilmu' ha supaya kahatihan sin hangka-ta'u bang unu, iban bang mayta' siya nagshahaadat, ha supaya kahatihan in kamattan sin pagshahadah atawa pagnaik saksi', na subay in hangkata'u mangadji' sin pag-iyanun "Tawheed", mata'ud daing ha magna manusiya' limalapal sin kalima ini sumagawa' siyusulang nila in kabaya'an sin kalima ini, biya' na sin di' magsambahayang, di' magpuasa, iban na sin kaibanan pa(etc...).
Damikkiyan in pagnaik saksi ha Muhammad Rasuwlullaah bihadtu da-isab, biya' sin saka'ula-ula nangaku kita sin di' kita mag-ibaadat ha Allaahu Ta'aalaa malaingkan labay daing ha pag-agad/ pag-urul ha sunnat mattan sin Rasulullah (sallallaahu 'alayhi wa sallam).
Bang saupama marayaw in panawheed sin simasabbut sin shahadah ini sarta' ikhlas siya pa Allah,, way niya siyulang in kabaya'an sin laa ilaaha illallaah, na, tantu nagdapa'-dapa' na siya, sabda sin Rasulullah (sallallaahu 'alayhi wa sallam):
أسعد الناس بشفاعتى يوم القيامة من قال لا إله إلا الله ، خالصا من قلبه أو نفسه
In sasukud-sukud na manusiya' makahasil sin shafa'at ku ha adlaw qiyama amuna in hisiyu-siyu limapal sin "laa ilaaha illallaah" tulus-ikhlas daing ha laum atay niya atawa baran niya [Saheeh Al-Bukhaariy]
In ini hambu'uk sadja upamahan, mata'ud pa hadith namayta'i ha kalabbiyan sin paglapal sin laa 'ilaa ha illallaah, ha duga'ing hadith kiyabayta' in sarayaw-rayaw na dhikr(jikir) amuna in laa ilaaha illallaah.
Adapun isab in pag-istighfaar atawa paglapal sin astaghfirullaah, damikkiyan subay hatihun sarta' subay tulus na' damikkiyan mata'ud ayat iban hadith namatay'i ha tungud niya, daing ha manga pa'idda sin pag-istighfaar:
Ha tungud sin shahada, paglapal sin Ash-hadu an laa ilaaha illallah, di' siya magmunpa'at ha hisiyu-siyu way nakahati sin maksud niya,, hangkan nawaajib in pagtuntut ilmu' ha supaya kahatihan sin hangka-ta'u bang unu, iban bang mayta' siya nagshahaadat, ha supaya kahatihan in kamattan sin pagshahadah atawa pagnaik saksi', na subay in hangkata'u mangadji' sin pag-iyanun "Tawheed", mata'ud daing ha magna manusiya' limalapal sin kalima ini sumagawa' siyusulang nila in kabaya'an sin kalima ini, biya' na sin di' magsambahayang, di' magpuasa, iban na sin kaibanan pa(etc...).
Damikkiyan in pagnaik saksi ha Muhammad Rasuwlullaah bihadtu da-isab, biya' sin saka'ula-ula nangaku kita sin di' kita mag-ibaadat ha Allaahu Ta'aalaa malaingkan labay daing ha pag-agad/ pag-urul ha sunnat mattan sin Rasulullah (sallallaahu 'alayhi wa sallam).
Bang saupama marayaw in panawheed sin simasabbut sin shahadah ini sarta' ikhlas siya pa Allah,, way niya siyulang in kabaya'an sin laa ilaaha illallaah, na, tantu nagdapa'-dapa' na siya, sabda sin Rasulullah (sallallaahu 'alayhi wa sallam):
أسعد الناس بشفاعتى يوم القيامة من قال لا إله إلا الله ، خالصا من قلبه أو نفسه
In sasukud-sukud na manusiya' makahasil sin shafa'at ku ha adlaw qiyama amuna in hisiyu-siyu limapal sin "laa ilaaha illallaah" tulus-ikhlas daing ha laum atay niya atawa baran niya [Saheeh Al-Bukhaariy]
In ini hambu'uk sadja upamahan, mata'ud pa hadith namayta'i ha kalabbiyan sin paglapal sin laa 'ilaa ha illallaah, ha duga'ing hadith kiyabayta' in sarayaw-rayaw na dhikr(jikir) amuna in laa ilaaha illallaah.
Adapun isab in pag-istighfaar atawa paglapal sin astaghfirullaah, damikkiyan subay hatihun sarta' subay tulus na' damikkiyan mata'ud ayat iban hadith namatay'i ha tungud niya, daing ha manga pa'idda sin pag-istighfaar:
- Madawhat in ka'ampunan daing ha Allah.
- Hikadugang sin ridjiki' nasabbut ha suwra Nuuh:10
- Hikakusug nasabbut ha suwra hud:52
- Iban mata'ud pa hidihil sin Allah surprises inshaAllah.
Iban in pagdhikr madaran ha Allah, na', magparuntungan na sadja in manusiya' dunya akhirat, malaingkan in pagdhikr subay imatap ha sunnat sin Rasulullah (sallallaahu 'alayhi wa sallam) ha karna' in dhikr way kiyapanghindu' sin Rasulullah (sallallaahu 'alayhi wa sallam), na, di' tayma'un sin Allah.
Wallahu a'lam bissawaab...
