Monday, October 10, 2011
Unu tuud in labi afdal pa unahun bang sumujud ha sambahayang,lima atawa tuhud?
***
Ganap pangasubu niya:
Airasul Arif Sali
mag sukol ka tuan kas ,,hangkan ako na ngasubo pasal sin nabassa ko ha SIPATU SALAATAIN BABEE,,,,yari bang manjari taosoga neo kako kalo bokon amo in pag understood ko.
PERPORMING SUJOOD W/SUPPORT OF ARMS
WHEN ONE GOES TO DOWN FOR SOJOD THE HAND MUST BE PLACED BEFORE THE KNEES TOUCH THE GROUD.
THIS HAS BEEN COMMANDED BY PROPHET(SAW).HE HAS FOLLOWED THE SAME PROCEDURE HIMSILF.DROPPING DAWN LIKE THE CAMMEL HAS BEEN PROHIBITED BY PROPHET(SAW).
THE CAMEL DROPS DOWN USING ITS FORELEGS FIRST .ITS HIND LEGS ACT LIKE ARMS,,,,
pls mga kaguruhan papahama neo kako ha bahasa ta,,,
Jumm at mubarak insah allah
***
Jawab :
Kas Sayfuddin
wa alaykmslam n muna padagpakun pa sudjara amuna in tuhud ampa lima ubus tuktuk iban ilung suby dumagpak , dh manjari bng tuktuk hadja sah sambil ilung nya paragpakun nya pa susujuran.
***
Jawab :
Tadjuk Lawihan
wa alaykumus salam in parakalah yan piyagsulangan sin manga Ulamah, laung sin kaibanan subay tuhud, laung isab sin kaibanan subay lima.. in puunan sin masa alla ini amuna in Hadith sin Rasul (sallallahu alayhi wasallam)
قال رسو...ل الله صلى الله عليه وسلم: ((إذا سجد أحدكم فلا يبرك كما يبرك البعير وليضع يديه قبل ركبيته
Nagsabda in Rasul (sallallahu alayhi wasallam) APABILA SUMUJUD IN HANGKATAU DAIN KANIYU AYAW SIYA SUMUJUD BIYAH SIN PAGSUJUD SIN UNTAH, NAH HIBUTANG NIYA MUNA IN LIMA NIYA HA DIH PA HIKABUTANG IN TUHUD NIYA. (Baytah hi Ahmad kay Abu Daud)
In hadith ini namaytah sin piyanglangan sin Rasul (sallallahu alayhi wasallam) in pagsujud biyah sin sujud sin untah amuin hidahdah niya muna in TUHUD niya ubus ampa LIMA niya.
Bang isab kita mattu pa hambuuk Hadith amuin riwayat hi Nassa'e nah in kakahinang sin Rasul (sallallahu alayhi wasallam) nagsulang iban sin kiyapamung niya; laung hi Waa'il Ibn Hujr (radiyallahu anhu):
((رأيت النبي صلى الله عليه وسلم إذا سجد وضع ركبتيه قبل يديه
KITAH KU IN NABI (sallallahu alayhi wasallam) APABILA SIYA SUMUJUD HIDAHDAH NIYA MUNA IN TUHUD NIYA MAKAUNA DAIN HA LIMA NIYA (Nassa'e).
Duun ha duwa hadith ini in kaibanan Fuqaha kimawah ha sulang sin hadith panagnaan, hatiniya pagka piyanglangan in paunahun in TUHUD sabab biyah sin pagsujud sin Untah nah hinang nila in paunahaun in LIMA sabab amu yattu in daakan sin Rasul (sallallahu alayhi wasallam) ha sabda Niya: NAH HIBUTANG NIYA MUNA IN LIMA NIYA HA DIH PA HIKABUTANG IN TUHUD NIYA.
Ampa in kaibanan Ulamah kiyawah nila in hadith hikaruwa sabab amuini in nahinang sin Rasul (sallahu alayhi wasallam) amuin paunahun in TUHUD dain ha LIMA.. adapun siyambag nila in panagnaan hadith laung nila NABALISKAT IN PAGPAHAM SIN NAGRIWAYAT SIN HADITH, in mapatut sin hadith subay bihaini:
وليضع ركبتيه قبل يديه
"NAH SUBAY NIYA HIBUTANG IN TUHUD NIYA HA DIH PA HIKABUTANG IN LIMA NIYA" hasupaya dih magsulang iban sin kakahinang sin Rasul (sallallahu alayhi wasallam) amuin nasabbut ha hadith hikaduwa…
Ala kulli hal; in ini piyagsulangan sin manga Ulamah nakauna iban nakahuli ha sabab sin pagpaham bang biyah diin in pagsujud sin untah.. ampa hi Shiekh Bin Baz (rahimahullah) piyakusug niya in kaul "SUBAY PAUNAHUN IN TUHUD " ampa hi Shiekh Albani (rahimahullah) piyakusug niya in Kaul "SUBAY PAUNAHUN IN LIMA" damikkiyan in manga Ulamah sin Upat Madzhab nagsulang daisab ha parakalah yan…
wallahu a'lam.....
*****
Jawab:
Fahad Haris
maka lamud na aku magmaap mayan , in paunahun mu tuhud mu bang sawpama niya wayruun udjul niya sumagawah bang aun udjul sin tuhud mu wayruun sah niya in paunahun in lima mu sabab biyah na sin sambat naun in pag-sulang duun ha duwa hadith yan sumagawah in papanaw makusug paunahun mu in tuhd mu amu yan in biyunnal ibnu qayyim iban hi ibu uthaymin iban na sin dugaing ulama
