Pangasubu :
Abu Khadija Jalil
assalamualykum pa mga guru namuh kalasahan,mgsukul tuud in kmi ha mga ngpaun sin bilik bilik ini,muramurahan da isb dihilan kmu kusug iban pyagbarakat kmu sin allahutaala,
awn ako pangasubu pasal sin pg province day atawa ka festival pgtagun nila,,unu bahah inhukuman sin bihaini?s
abab mismu mga muslim nag hihinang sin kakahinang ini..mgmaap dakuman mga tuan,mabayah lang ako humati,tumagad ako sin jawab nyu....jazakaallahukhairan.
Jawab:
Ibn Shaakir
Wa alaykumussalam warahmatullahi wa barakatuhu.
Bismillahi walhamdulillahi wassalatu wassalamu 'alaa Rasulillahi (sallallahu alayhi wasallam) wa 'alaa Aalihi wa Ashaabihi (radiyallahu anhum) ajma'ien.
Matarrang in parkala' sin pag "Festival (Province day)" paningud-singud pa dugaing agama biya' na sin Agama Christianity, lamud na in mga piil palangay nila, iban katan pangaddatan simasaplag di' kabayaan sin Islam.
Biya' na sin pagcelebrate ha birthday, Valentines, Christmas & New year, Halloween, pag-tiyaun nila,biya' na sin mag-ring bearer, entourage, mag-flower girls, pagtamung nila, pagbakbak nila usug iban sin babae habukun kasumbang nila, pagsalam sin usug iban babae ha bukun kasumbang nila, pagsiyum ha mahadjana', magpaguwa' awrat (babai) ha mahadjana' ,magngan biya' ngan sin kafir etc..
In hukuman niya Haram, ha Hadith sin Rasulullahi (sallallahu alayhi wasallam):
قا ل رسول الله صلى الله عليه وسلم : ( من تشبه بقوم فهو منهم ) رواه أبو داود
Hatiniya: "Hisiyu-siyu in maningud-singud ha kawman yan (ha mga tau ruon ha kawman), sabunnal tuud in tau naningud-singud agad siya pa tau piyaningud-singuran niya." (Kiyariwayat hi Abuw Dawud)
Hasabda pa sin Rasulullah (Sallallahu Alayhi wa sallam).
وقا ل أيضا : ( ليس منا من تشبه بغيرنا، لا تشبهوا باليهودي ولا بالنصارى ) رواه الترمذي
Hatiniya: "Bukun agad dain kamu' in hisiyu siyu maningud-singud ha pangaddatan atawa kakahinang dugaing dain sin nahinang namu',ayaw kamu maningud-singud ha mga yahudi (jews) ibn ha mga nasa-ra (Christians)." (Kiyariwayat hi At-tirmidhiy)
Maksud sin duwa Hadith ini:
Bang in tau yan maningud-singud ha pangaddatan,piil palangay,kakahinang sin mga yahudi (jews) na ka atawa Nasa-ra (Christian), tantu in tau yan mabilang na siya dain ha agama nila,
Adapun ha tungud sin pagtamung, pagtamung kaw unu unu na in hikatampan sin awrat mu iban maluhay kaymu,ayaw sadja in niyat mu sumingud ha dugaing agama, iban ayaw sadja tamungun tartantu ha babae bang kaw usug, iban isab tamungun tartantu ha usug bang kaw babae.
Awn mga parkala' makajari kita kumawa' dain ha dugaing agama ha ilmu' aun kamumpa'atan niya biya' na sin, dain ha mga useful civilizations, Medicine, Physics, Chemistry, Engineering, Swimming, Riding, Driving, Archery, etc…
Sabab in mga yan sa'kup siya dain hapag-iyanun sin Allahu Taala ha Parman niya:
قال الله تعالى ( وأعدوا لهم ما استطعتم من قوة ومن ربا ط الخيل ترهبون به عدو الله وعدوكم. . .) سورة الأنفال:الأية (60
Hatiniya: "Pagtagama kamu iban pagsaddiya kamu (ya kamu mga muslimeen) ha satru' hariin-diin in kagausan niyu dain ha mga pakukus hikakusug niyu (dain naman ha panyap iban kakusug sin pag-iman amun sabab ika raug niyu ha satru' niyu) iban dain ha mga kura' (mausal niyu magjihad) dii hapagtagama niyu ini miyuga' kaniyu in satruh sin Allahu taala ibn satruh sin mga Muslimeen (hakatan waktu)…sambil na pakahinapusan ayat."
Iban sakup siya ha sabda sin Rasulullah (Sallallahu Alayhi wa sallam).
قال رسول الله صلى الله عليه وسلم : ( طلب العلم فريضة على كل مسلم ) رواه أحمد في مسنده
Hatiniya: "In pagtuntut ilmu' wajib ha tiyap-tiyap Muslim."
In Hadith ini manunjuki pa Shariah Islamiah, sa' di' da maka unu in mga nasabbut yan gradual siya ha babaan sin wajib, adakala mahinang FARDUH KIFA-YAH.
Iban in Rasulullah (Sallallahu Alayhi wa sallam) nangdaaki katu' pahinduan in kaanakan taniyu mag-languy, magkura', iban mamanhut (magpana’.Nasabbut ha Hadith niya :
روي عن بن عمر رضي الله عنه قوله : علموا أولادكم السباحة والرماية وأن يثبوا وثبا."منهج التربية النبوية للطفل" للدكتور محمد نور بن عبد الحفيظ سويد صفحة
Kiyabaytah dain kan ibn omar radiyallahu anhu bissara niya : hindui niyu in kaanakan niyu maglanguy,magpanah,iban mglaksu.
In magkura' lamud na didtu bang ha waktu bihaun in Driving (any kinds of vehicles including tanks, ships and planes or jets). Sabab bang in mga Muslimeen mataud kaingatan nila haunu-unu pangadji', tantu in mga satru' sin Islam mahanggaw sila, bisan di' nila hipakita' ha mga satru' in kusug nila.
Bang ma’aun in mga pangadji' yan ha mga Muslimeen, biya' na nasabbut ha ayat sin Allahu taala hataas yaun ha surah al-anfal ayat:60. In damikiyan yadtu hika hanggaw ibn hikabuga' sin satru' sin Allahu taala iban Satru' niyu (mga muslimeen)…
Wallahu Ta'aala A'lam.
