Pangadji'an:
Fahad Haris
Pag-naik hadjih
Al-hadj : in mahaniya niya amuna in maksurun in baytullah karn
Sarat sin pag-naik hadjih;
1. Subay in kaunan sin mag-hadjih muslim .
2. Subay in kaunan niya limaya bukun tau banyagah atawa kan ipun .
3. Subay siya taga akkal .
4. Subay sangput in pangummulan niya .
5. Subay aun hipag-gastu niya .
In batah-batah manjari siya mag-hadjih sumagawah in batah-batah duwang kajinis :
1. Batah-batah dih maingat mag-lapal sin manga sug-sugun duun ha pag-hadjih iban dih makagaus huminang sin manga kakahinang sin pag-naik hadjih ha palihalan yan in mag-gantih kaniya sin pag-ihram iban na sin dugaing kakahinang sin pag-naik hadjih amah niya atawa kan inah niya .
2. Batah-batah makagaus mag-iharam iban huminang sin manga kakahinang sin pag-naik hadjih duun ha palihalan yan in batah-batah yan subay siya in mag-ihram sin baran niya ha sarat idhin sin duwa maas niya bang sartah subay siya in tumagnah sin katan ammal hinangun ha pag-naik hadjih bang sawpama niya dih kagausan sin batah-batah yaun in kaibanan hinang biyah na sin mag-tiluh ha jamarat duun ha kahalan yan jiyari ha maas niya amuin tabangan niya in anak niya yaun ha sarat in nag-tagnah sin hinang amuin batah-batah yaun .
In babai bang siya mag-naik hadjih ha papanaw bunnal iban makusug wajib subay aun mah-ram niya adapun in manga mahram niya
1. Amah niya
2. Bana niya
3. Taymanghud niya usug .
4. Amaun niya duun nakan taymnghud sin amah atawa kan inah niya .
5. Apuh niya usug duun nakan apuh niya daing amah atawa kan daing kan inah niya .
6. Taymanghud niya usug ha pag-sawhan duruh adapun ha tungud sin mabilang in pag-taymanghud duun ha pag-sawduruh ha sarat .
Bang in babai wayruun iban niya mahram mag-naik hadjih wayruun siya kiwajiban mag-naikhadjih minsan pa najukup niya in manga sarat sin pag-naik hadjih ha hattakalah wayruun maharam niya .
