Afwab Jikiri Mandan
Assalamu alaykum warakhmatullahi wabarakatuhu..In sual ku pakaguruhan..Makajari baha kami maggreat happy fathers day atawa happy mothers day? In yan aun ha agama islam? Salam duwaa pakatan..
Jawab:
Kas Sayfuddin
Wa alaykum mussalam wala' jiyari sin agama ta in maggreet happy mothers'/fathers' day. Sabab manga ini kakahinang sin kafir, ampa in kita piyanglangan kita maningud-singud ha kakahinang nila, k
arna' in sakaula-ula biyantug ta in agama nila.
Iban bang ta tusiun in
sabab hankan nila piyaun in celebration yan, tuwi in sila mapasad ha maas nila, di' nila na magkaayuput marayaw sabab in sila bang umummul na in anak hangpu' taglima tahun(15 yrs. Old) luhaya( free ) na sila, magdulbaya sin kabayaan nila. Sambil gumuwa na sila dain ha pamaybay nila magbiyulanan atawa magtiyahunan malayu' dain ha maas nila. Dain ha sabab yan hinangan nila misan da kuman hangka adlaw( 1 day ) panumtuman ha maas nila.
Adapun in panghindu' sin agama ta way had in pagtaat iban paglasa ta ha maas ta. Dain ha sabab yan di' kita manjari mamakay sin greetings yan. Wallahu A'lam.
