Jawab:
Kas Sayfuddin
Wa alaykum mussalam indah...
Ha FATWA sin manga ULAMA biya' na kan Sheikh Munajjid, Sheikh Uthaimin, iban sin kaibanan Ulama
In pagpahaba buhuk sin kausugan dain ha manga parkala' adat. In Nabi Moh. (S.A.W) aun bayta' mag-abut pa agaba niya in buhuk niya s
Ha FATWA sin manga ULAMA biya' na kan Sheikh Munajjid, Sheikh Uthaimin, iban sin kaibanan Ulama
In pagpahaba buhuk sin kausugan dain ha manga parkala' adat. In Nabi Moh. (S.A.W) aun bayta' mag-abut pa agaba niya in buhuk niya s
arta' way siya namayta sin dihilan pahala in magpahaba ubus magdusa bang bagungan. Amuna hadja naraak niya kita hurmatun ta in buhuk ta. Hadith sin Rasul :
من كان له شعر فاليكرمه
"Hisiyu-siyu in aun buhuk niya subay niya hurmatun( biya' na sin sudlay-sudlayun paamuhun bukun pasaran biya' na sin buhuk sin tau dupang-dupang)"
In arab nakauna bilang nila adat in pagpahaba' buhuk dain ha sabab yan in Rasul sambil pa agaba niya in buhuk niya, karna' depende ha adat sin manusiya' ha hula' yan.
Sumagawa bang in hula' bukun dain ha manga adat nila in magpahaba buhuk sarta' in pangatud sin kamatauran ha sila mahaba' buhuk biya' sin tau kulang akkal, na! di' manjari magpahaba' buhuk lagi ha jaman natu biyaun in magpapahaba buhuk amuna in manga ROCKERS magkakalang pagkakitaan ha manga TV. na! duun ha ini mabangga ta in hadith sin Rasul (S.A.W):
من تشبه بقوم فهو منهم
"Hsiyu-siyu in naningud-singud ha hinang sin kawman/ tumpukan lamud siya kanila"
Hankan subay kita maayad kitaun ta in adat sin hula' hasupaya kita di' gura'-guraun.
Wallahu A'lam
من كان له شعر فاليكرمه
"Hisiyu-siyu in aun buhuk niya subay niya hurmatun( biya' na sin sudlay-sudlayun paamuhun bukun pasaran biya' na sin buhuk sin tau dupang-dupang)"
In arab nakauna bilang nila adat in pagpahaba' buhuk dain ha sabab yan in Rasul sambil pa agaba niya in buhuk niya, karna' depende ha adat sin manusiya' ha hula' yan.
Sumagawa bang in hula' bukun dain ha manga adat nila in magpahaba buhuk sarta' in pangatud sin kamatauran ha sila mahaba' buhuk biya' sin tau kulang akkal, na! di' manjari magpahaba' buhuk lagi ha jaman natu biyaun in magpapahaba buhuk amuna in manga ROCKERS magkakalang pagkakitaan ha manga TV. na! duun ha ini mabangga ta in hadith sin Rasul (S.A.W):
من تشبه بقوم فهو منهم
"Hsiyu-siyu in naningud-singud ha hinang sin kawman/ tumpukan lamud siya kanila"
Hankan subay kita maayad kitaun ta in adat sin hula' hasupaya kita di' gura'-guraun.
Wallahu A'lam
Ibn Shaakir
بسم الله الرحمن الرحيم, الحمد لله رب العالمين و الصلاة والسلام على من لا نبي بعده
In pagpahaba' buhuk bukun siya sunnah biyah sin pagbahasahun sin kaibanan amuin bang mahinang dihilan siya tungbas, sumagawa' in yan dayin ha mga A-dat (customs and traditions) sin mga tao duun ha hula' nila. In Rasul (sallallahu alayhi wasallam) pagpahabaun niya in buhuk niya sarta' pag-uturun niya ra isab, iban wala' siya naka-iyan in magpahaba' buhuk awn pahala' damikkiyan way ra isab dusa in magbagung kaniya. Sumagawa' diya-ak niya in mga kausugan ayuputun nila marayaw in buhuk nila.
Hadith sin Rasul (sallallahu alayhi wasallam):
فعن أبي هريرة رضي الله عنه أن رسول الله صلى الله عليه وسلم قال : ( مَن كان له شعر فليكرمه ) . رواه أبو داود (4163) وحسَّنه الحافظ ابن حجر في "فتح الباري" (10/368) .
Hati niya:
Riwayat dayin kan Abu hurayrah (radiyallahu anhu): In Rasul (sallallahu alayhi wasallam) nagsabda, in agi niya: " Hisiyu-siyu in taga buhuk (sibu' da hawpu' iban mahaba') subay niya ayuputun marayaw" kiyariwayat hi Abu daud ha, 4163 lawng hi Al-hafiz iban hi Ibnu hajar hadith hasan, fathul ba-riy 10/368
Biya' na sin hambuuk tao ha zaman sin Rasul (sallallahu alayhi wasallam) dimatung sarta' awn gawi kaniya, na' in buhuk niya mahaba' iban agun-agun lumupad in buhuk (nagkakang-kang) sambil iyan siya sin Rasulullah (sallallahu alayhi wasallam) hipasudlay iban hipa-ayuput marayaw.
Mataud hadith namayta' tungud ha pagpahaba' sin Rasul (sallallahu alayhi wasallam) iban limit sin buhuk niya. Biya' na sin bayta' dayin kan Anas (radiyallahu anhu):
فعن أنس رضي الله عنه أن النبي صلى الله عليه وسلم كان يضرب شعرُه منكبيه . رواه البخاري (5563) ومسلم (2338) .
Hati niya:
Riwayat dayin kan Anas (radiyallahu anhu) lawng niya: " In buhuk sin Rasul (sallallahu alayhi wasallam) mag-abut pa abaga (shoulders) niya". kiyariwayat hi bukha-riy umbul 5563 iban muslim 2338.
وقال أنس بن مالك رضي الله عنه : كان شعر رسول الله صلى الله عليه وسلم بين أذنيه وعاتقه . رواه البخاري (5565) ومسلم (2338) .
Damikkiyan dayin kan Anas ibnu Ma-lik (radiyallahu anhu) nagkabtangan, agi niya: " In buhuk sin Rasul (sallallahu alayhi wasallam) in haba' niya ha anta-ra' sin taynga iban agaba niya ". Rawa-hu bukhariy 5565 iban Muslim 2338.
Lawng hi Muhammad ibnu Salih Al-uthaymin (Rahimahullahu):
" Wayruun sa' niya in magpahaba' sin buhuk. Sabab In Rasul (sallallahu alayhi wasallam) in buhuk niya mag-abut agun-agun magtupad iban sin agaba (shoulders) niya. Ha principle sin Islam wayruun sa' niya in magpahaba' kaniya, sumagawa' in pagpahaba' buhuk dayin ha mga a-dat (tradition & custom). Bang sawpama in a-dat ha hula' yan magpahaba' sila buhuk unu-unu na pagkatao sin manusiya' wayruun sa' niya, na' bang sawpama in taghinangan kaniya mga ordinary tao (low in status) subay di' hinangun sin mga sila mataas in pagkatao duun ha kawman yan. Di' manjari mamissara ha hisiyu-siyu na manusiya' in Rasul (sallallahu alayhi wasallam) siya in sataas-taas darajat ha katan manusiya' in siya magpahaba' buhuk, bukun, sabab bang natu' kitaun in magpahaba' buhuk bukun siya sunnah atawa pagtag-eipun, sumagawa' in siya dayin ha mga a-dat (custom & traditions). " Tali-a niyu man in answer niya.
Ha masa bihaun biya' kulang na in magpahaba' buhuk labi luba' na bang kita niyu ha baba-an sin parinta kufur in pangatud nila ha mahaba' in buhuk biya' criminal iban tao d***** (Astagfirullah). In mga Mujahideen harus magpahaba' buhuk karna' hambuuk dayin ha mga hikadamag sin satru' sin Islam iban panulang kanila sabab in sundalu kufur magpahawpu' sila buhuk.
We should follow custom and tradition with regard to that, so that the Muslim will not expose himself to people’s mockery and backbiting.
Na' bang kita magpahaba' buhuk, singuran natu' na sadja in Rasul (sallallahu alayhi wasallam) tub-tub agaba atawa ha antara' sin taynga iban abaga sarta' ayuputun marayaw. In pag-ayuput sin buhuk biya' na sin hadith sin Rasul (sallallahu alayhi wasallam) nasabbut natu' ha taas, apabila mu iyagad magpahala' kaw inshaallahu taa'la ha sabab sin pangagad mo kaniya.
Bang sawpama awn wala' imamu dayin ha mga kabtangan ko andu' paamuha niyu iban sahawiha niyu labi luba' pa mga kaguruhan diy ha forum ini. Inshaallahu taa'la.
Wallahu a'lam bissawab. Wassalamu 'alaykum warahmatullahi wabarakatuhu
