Raiy Sampang Musahari
Assalamu alaykum wa Rahmatullahi wa Barakatuhu pa mga kaguruhan namu' kanungnungan di ha sual iban jawab. Aun ini pangasubu namu'. Unu baha in hukuman sin magdagang Qur'an? Aun kiyadungugan namu’ na haram in mausaha daing ha ini. Mabaya’ tuud kami sumawa ini kamu. Magsukul iban mangayu' kami kamaapan bang in sual namu’ wala' imamu.
Jawab:
Kas Sayfuddin
Wa alaykum mussalam indah jiyari sin manga jumhur ulama' in magdagang sin mushap Qur'an dain ha manga nagjari kaniya, ha hasanul basri, hakam, ikrima, shafie, maliki, hanafi, iban ashaburrahye. In agi nila: Sabab in pagdagang kaniya duun ha katas gikapan(pages) niya iban ink piyagsulat kaniya, dain ha sabab yan muba' in pagdagang kaniya.
Laung hi imam Malik : "Way sa' niya magdagang sin mushap iban magbi". Adapun in bayta' dain kan Imam Ahmad rahemahullah amuin piyanglangan niya in magdagang mushap. Laung sin manga ulama' in panglang niya di "lilkaraha" MAKHRU bukun haram "littahreem", labi-labi in ha jaman natu' bihaun bang kaw magprint Qur'an mag gastu kaw mataud, iban di' mu ka kadihilan/distributan in katan tau puas(except) subay aun hikapag gastu balik amuin makawa' dain ha bi-han niya hasupa matuy(continue) in pagprint kaniya.
Dain ha sabab yan way sa' niya InshaALLAH hipag dagang buwat malaingkan bang in Qur'an yaun haddiya ra sab kaymu biya' sin hipagdihil(distribute) sin Saudi haddiya katu', maraw hipag haddiya tana hadja ha tau, sa' bang giyastuhan mu siya na' way sa' niya hidagang.Allahu A'lam.
