Kas Sayfuddin
Pagpataud Asawa
Farman sin ALLAHU Ta'ala:
فانكحوا ما طاب لكم من النساء مثنى و ثلاث و رباع فإن خفتم ألا تعدلوا فواحدة.
"Asawa kamu sin amuin kababayaan niyu dain ha kababaihan 2, atawa3, atawa 4, sa' bang in kiyahanggawan niyu bat di' niyu mapa-adil, na wajib kaniya hambuuk na sadja".
Manga sharat jiyari kaniya magpataud asawa:
- Subay niya kagausan mapa-adil in ha antara sin manga asawa niya.
- Subay niya matantu maparihala'(secure) niya in ginhawa baran niya dain ha manga fitna(sin kababaihan) iban ha di' niya magaan-gaan in haq sin ALLAH ha sabab nila. Sabab aun dain ha manga anak asawa mahinang atu hika agpang kaniya dain ha manga piyawajib sin ALLAH.
- Subay niya kanafaqahan sila iban karulan niya in hajat sin manga asawa niya(ha shara').
Bunnal tuud in sabuntul-buntul shara' iban kaadilan amuin pagjari ha pagpataud asawa karna' sin manga sabab ma'lum pa manga sila bar-akkal.
Dain kaniya amuna in manga ini :
Ha bihaini na laung ta jiyari in pag-pataud asawa iban in siya dain ha pagpaluhay sin shara', sa' in kaibanan kausugan bukun adil in pagparagbus(implement) nila lagi bang mu kitaun in kahalan harubilu in family niya, amuin nahinang sabab ha pangatud sin kamatauran biya' in siya crime iban humukaw ha parkala' ini, iban na sin manga tuhuma bukun marayaw.
Bang man piyatattap sin ALLAH in hidayat niya di katu'. Salam kasilasa pa katan...
- Bunnal tuud in hambuuk babai pagduguun, magkasakit, pagnifasun, sambil pa dugaing sabab amuin mahinang agpang ha pagtunay sin manga wisdom duun ha parkala' sin magtiyaun, ampa in usug saddiya siya mahinang sabab hikataud sin ummat. Bang sawpama in babai yaun sa'bu ha kahalan amuin di' manjari suukun, na' malawa in munfaat duun.
- Bunnal tuud in ALLAHU TA'ALA piyapanjari niya in usug tiyu'-tiyu dain ha babai ha dunya ini, iban in usug sila in kamatauran magkamatay labi dain ha bunu iban sin dugaing niya. Na bang sawpama duun na hadja in usug ha hambuuk, tantu mataud manga kababaihan di' makabana sambil awn waktu atas sin kaibanan huminang ZINA hasupaya kadulan in napsu nila (Nauzubillah) Aun pa hadith dain ha manga alamat sin Qiyamat: Timyu'-tiyu' na in kausugan iban tumaud in kababaihan sambil in ratio 1 usug is to 50 babai.
- Iban aun kabakan ta dain ha kausugan kariasali sin tabiat sin napsu nila amuin di' siya mamarahi (satisfied) ha hambuuk babai. Dain ha sabab yan jiyari sin shara' dulan in napsu niya yaun ha dan halal, dain sin mangzina atawa magkabit-kabit iban sin manga babai bukun halal kawin.
- Aun waktu hankan siya magpataud karna' ulung iban pagmulya niya ha kampung niya babai yaun amuin miyatay in bana atawa tiyallakan sin bana, sarta' way maka ayuput kaniya amura in usug taga paghula' yaun.
Ha bihaini na laung ta jiyari in pag-pataud asawa iban in siya dain ha pagpaluhay sin shara', sa' in kaibanan kausugan bukun adil in pagparagbus(implement) nila lagi bang mu kitaun in kahalan harubilu in family niya, amuin nahinang sabab ha pangatud sin kamatauran biya' in siya crime iban humukaw ha parkala' ini, iban na sin manga tuhuma bukun marayaw.
Bang man piyatattap sin ALLAH in hidayat niya di katu'. Salam kasilasa pa katan...
