Tuw(3) parkala' jiyari in magputing

Pangasubu:
Marmalyn Yusop

     Assalamu alaykum maga kaguruhan namu'...Aun aku ini pangasubu kaniyu kahalan sin duwa magtiyaun. Wajib baha' ha usug in magtapuk atawa magputing ha asawa nila Pasalan ha babai kabayaan nila? D'i baha sila magdusa ha asawa nila? Magsukul kaniyu manga kaguruhan sin kami katan...

Jawab:
Kas Sayfuddin

     Wa alaykum mussalam.. Maap natahala' in sambung( jawab ) ha pangasubu.
Muna- muna in magputing HIYARAM sin shara' sarta' in siya mangdahi pa apinarka' jahannam, iban

 amu ini in dain ha manga sifat kabungsihan sin Rasul (sallallahu alayhi wassalam)

.
Sumagawa aun manga kahantang(situation) jiyari in pagputing biya' na sin manga ini:

1. Ha pagbunuan : Manjari mu hibayta' pa satru' in kamu mataud pakukus(sanjata), mataud tindug(forces) hasupaya damagun n satru'. Misan bukun bunnal in nasabbut karna' in pagbunu' mag-usal kapandayan.
2. Hapag-anib(protect) ha taymanghud mu muslim : Upama niya aun taymanghud mu liyawag sin tau mangi' bunu-un, na manjari mu putingan supaya malappas(save) in kabuhi' sin taymanghud mu. Karna' bang mu biyayta' in bunnal magmula siya. Duun haini wajib in pagputing sabab  magparihala'(save) kaw ha taymanghud mu wajib in hukuman.
3. Pagpasulut : Upama niya aun duwa tau nagkalu ubus baytaan mu in hansipak sin bissara bukun bunnal sa' hikapagsulut nila, Atawa aun duwa(2) asawa niya ubus baytaan niya in hambuuk sin siya ra in kalasahan labi dain ha hambuuk, damikyan n ha hansipak bihadtu ra isab, Hasupaya sumung in lasa niya kaymu iban ha di' ma aun in pgkalu nila magkalua. kananaman(feel) sin pakaniya-pakaniya siya ra in labi kalasahan sin bana niya, dain ha sabab yan maig in pag-abughu'(pagselos), iban kaaniban in pagkalu.

Adapun apabila in maksud dawhatun mu yaun manjari ra siya, madawhat labi ha bissara bunnal iban pagputing, na, duun haini HARAM in pagputing.

     Mayta' baha' makapagputing in usug bang awn kabayaan nya? Marai' hati ku kaluhun niya in bana niya bang makaingat sin bunnal. Tumtumun sin kababaihan jiyari sin shara' ha usug in umasawa sambil pa upat(4) bang kagausan iban mapaadil niya sa' bang di', na magampa hambuuk na hadja bat way raman hiluhala'.

.
     In hika patumtumun(advice) namu ha manga ka asawahan hinanga niyu in katan amuin di' na lumingi in bana niyu pa rugaing dain kaniyu, biya' sin khadija asawa sin rasul lugay hi khadija buhi' wala' naka-asawa in rasul dugaing dain kaniya subay na nawapat in khadija ampa sya imasawa dugaing, unu baha in secret hi khadija? Amu yadtu in lawaga niyu manga bangsa fatima.

Wallahu A'lam...


Sugpat sin pangasubu:

Ben Rider Uyag
Alhamdulillah kiyajawaban na in pangasubu hi Inda' marmalyn..Iini tuan Guru sin kami kalasahan follow-up question. Unu baha aun kapatut sin puun magpabugit bang upama niya kiyaingatan na niya sin aun asawa sin bana niya dugaing?



Jawab: Kas Sayfuddin

Wa alaykum mussalam tuwan. Way kapatut sin puun magpabugit ha bana niya sabab jiyari sin shara' ha usug umasawa dugaing bang man kagausan iban mapa-adil(mapagsibu'), sa' bang di' niya isab mapa-adil, na! dakula' dusa sin usug yan ha adlaw akhira, nag-guguyud siya sin hansipak baran nya.

Ha tungud sin puun HARAM iban di siya manjari mikibugit ha bana niya bang siya iyaayuput da isab marayaw iban niyanafaqahan. Karna' mahunit in parkala' pagbugit, amuna ini in kabungsihan sin ALLAH dain ha manga hiyalal niya.

In babai mikibugit ha bana nya, ha in bana niya nag-aammal ibadat da, niyanafaqahan da siya iban marayaw ra in pagtratu kaniya, amura in nahinang sin bana niya imasawa dugaing sabab sin jyari sin shara'.Na! misan hamut sin surga' di makahamut in babai yan, amupaka in akasud.

Hadith sn Rasul:

أيما امرأة سألت زوجها طلاقا من غير ما بأس فحرام عليها رائحة الجنة.

رواه أبو داود

"Hisiyu-siyu babai mangayu' mikibugit ha bana niya ha wayruun salla' dain ha bana, na! haram kaniya in hamut sin surga'". In nagriwayat hi Abu Daud.
Wallahu A'lam....