Abushaira Saidina
Assalamu alaykum warahmatullaahi wa barakaatuhu. pa katan muslimin ha guwa iban halaum (in & out). Aun pangasubu, unu in pag-nganan IKHLAS?. Maaf bang makajari siyu-siyu na kamu manga kaguruhan tarbilang di' ha jambangan sin surga' ini lilaya nyu katu'.
Jawab:
Najs Sarail Tahir
Wa alaykum mussalaam wa rahmatullaahi wa barakaatuhu..Magsukul kakasi ha sual mu.Unu siya in pag-iyanun IKHLAS?
Laung hi Imam Nawawi(Radiyallahu an);
"AL-IKHLASU AN TURIYDAHU BI THO`ATIHI WALA TURIYDA SIWA`HU"
Hati niya;
"In IKHLAS laung niya pag-iyanun amuin angutun mu, maksurun mu atawa hitudju mu in pag-taat mu pag-ibadat mu pa Allahu subhnahu wa ta'ala tuput isa-isa niya, ha kalna' niya, iban di' kaw umangut dugaing daing kaniya"..
Laung isab sin kaibanan Ulamah;.
"AL-EKHLAASU TASFIYYATUL AMALI MIN KULLI SHUWBIN, WA IFRAADULLAHI TAALA BIL QASDI FIT THO`ATI WAL HARAKA`TI WAS SAKANA`TI".
In IKHLAS laung nila pag iyanun siya panaimtimi, pagsutsi, paglissin sin kakahinang daing ha katan lummi', ayib, sakutu, iban panunggali ha ALLAAHU TA'ALA ha Maksud, duun naka pagtaat kaniya, pag ibadat kaniya iban ha katan kidnut kuhibal tuput sadja kaniya.
In IKHLAS - amuin huminang kaw sin kakahinang duun naka pagtaat pag-ibadat, in maksud mu bukun unu bang unu sumagawa ha kalna' sin ALLAH hasupaya mahasil in rida', ulung, kasi sin ALLAH (subhanahu wa ta'ala) iban hasupaya mahasil in tutungbasan daing kaniya hasupaya mahasil in Surgah sin Allahu subhanahu wa ta'ala.
Bukun amuin hasupaya mabantug kaw sin pagkahi mu, atwa ma sikat kaw ha mahadjanah, atawa mahasil mu in lasa cin pagkahi mu manisiya, hikataas sin sasabbutan kaimu darajat pangkatan mu.. In ka Ekhlaas sarat hikataimah sin Ammal atawa kakahinang.
Apabila nalawa' in ka-Iklass pa ALLAH tantu dih taimaun sin Allahu subhanahu wa ta'ala in kakahinang. Nasabbut ha hadith Qudsi lawng sin ALLAH SWT:
"FAMAN AMILA AMALAN ASHRAKA FIYHI GAIRIY FA ANA BARIY`UN MINHU".(rawahu Muslim wa Ibnu Majah)
Ma'na sin hadith Qudsi;
"Na! hi siyu-siyu in huminang sin kakahinang siyakutuhan, liyamuran, limbangan niya puas daing kaku, siyakutuhan niya aku ha kakahinang niya, Na! puas aku daing kaniya, puas aku daing ha kakahinang niya. Na! bang puas in ALLAH (subhanahu wa ta'ala) kaniya iban ha kakahinang niya, tantu waypagduwa-ruwa di' taimaun sin ALLAH (subhanahu wa ta'ala) in kakahinang niya".
Kasabunnalan sin Ikhlas;.
"ASSIDQU FIL EKHLAAS AN YAKUWNA BA`TINUKA AWJADU MIN ZHOHIRIKA".
"In kasabunnalan sin ka-Ikhlas amuin in kaawnan sin batin
(nakatapuk) mu, labi marayaw daing sin ZHOHIR mu (nakatatampal) kaimu..MIYZA`NUL IKHLAS timbangan pangilahan sin ka-Ikhlas.
Laung sin manga Ulamah Apabila in tau matuyu' sadja maghinang atawa mag-ibadat mag-ammal bang ha katauran amuin mataud makakita kaniya, tantu in hinang sin tau yan bukun Ikhlas atawa way ka-Ikhlas niya, mahulug siya pa riyah
(pakita'-kita') pagpabantug.
Adapun bng in tau yan sibuh da in basag sin Ammal niya hinang niya pag ibadat niya ha katauran tau ibn isa isa niya,atawa mataud pa in ammal niya bng isa isa niya, tantu in tau yan Ekhlaas in kakahinang atawa ammal niya.
In Tau MUKHLIS laung sin mga Ulamah:
"
MA KA`NA ZHOHIRUHU WA BA`TINUHU SAWAA".
"Tau taga ka-Ikhlas amuin sibu' in zhohir niya iban batin niya".
WALLAAH AHLAM...
