LadyNur Arubin
Assalamu alaykum wa rahmatullahi ta'ala wa barakatuhu pa manga tarbilang(members) iban sin manga guru namu kalasahan.
Maba' ku hadja hi asubu unu baha bang in babai muslim maya' ha usug bukun muslim(christian)? Unu hinangun nila ha supaya sila makapghambuuk? Dusa baha' yadtu? Maap dakuman bang way imamu in pangasubu(question) ku. Magsukul advance ramadan kareem.
Jawab:
Ibn Shaakir
Wa alaykum mussalam wa rahmatullahi wa barakatuhu. In pagtunang HARAM, sibu' da in Baba-i iban Usug Muslim, atawa in Baba-i Muslimah in Usug Christian (magsisirik/magkaun sungaran) iban(&) in damikyan niya(vice versa), sabab mag-agad madtu mari in Usug iban Baba-i bukun niya kamahram(kasumbang), magbatuk-batuk ha hambuuk tampat, mag-ulin- iyulini, sambil maka-abut pa Zinah! Tabiya' iban magmaap ha manga sila wala' kiyugdan, in kiyugdan asal bihan na.
Subay natu' pagtaubatan mga taymanghud kalasahan in mga parkala' liyangan sin Allahu Ta'aala iban sin Rasul niya (Sallahu alayhi wasallam).
Awn pagtunang ha sara', amuna in pagtawagun 'Khitbah"(Engagement), amuin nagpangasawa tuud (legally) in Usug ha Baba-i, aun panghati sin mau maas(parents) nila daing hansipak pa hansipak(bothsides). Sumagawa', misan sila engaged na, subay ra aniban in mag-agad madtu mari, magbak-bak iban na sin ginis pa(etc.).
Adapun, in Baba-i Muslimah magbana usug Mushrik (Christian, Jew, Buddhist etc.) katan nag-aagama sin Agama Kufr/ Magsisirik, HARAM samata-mata, hingga in sila magparatsaya pa Allahu Ta'aala iban pa Rasul nya (Sallallahu alayhi wasallam), sin pamaratsaya sabunnal, bukun magbalik-balik.
Pila na sadja in kiyasakupan namu' di ha Saudi(KSA) nagbana in manga Muslimah ha Usug bukun muslim(Christian), bahasa kunuh balik-Islam. (Tabiya' ha kaibanan in pagmuslim nila matutuud), alta'(cein) iban baran nila sadja in puhungun, pag-ubus hibin da hi Inda', in Usug minuwi na pa hula', kimaun na isab sungaran, himahabhab tuba' yadtu ra masi nagsisirik!. Ubus kami in hiluhun di mikitabang kamu', biyabaytaan na sila masi ra lumasa(inlove) ha magkaun sungaran (In baba-i bihaini subay luputan dila') Makasusa ampa isab biya' makakuti.
Tabiya' ha kaibanan bukun katan. Yari Inda' in link bassaha dakuman in topic namu' naka-una tungud pa topic mu, ibut tuud kaymu ayaw kaw mayah dupangun nila yan, kamu ra in maka-ulung ha hulihan.
Wallahul-musta'aan.
