Fahad Haris
Daing ha manga kalabbiyan sin bulan Ramadan
- In bulan Ramadan bulan salaggu'-laggu', sabab duun piyaturun in Qur'an iban in agama Islam ha tiranan sin Qur'an yan nagaus niya in manusiya' daing ha katigidluman maun pa kasawahan, iban daing ha kaawam maun pa panghati ilmu' sin tuhan sarta' ha tiranan sin Qur'an yan nakahati in manga manusiya sin dan mabuntul iban pag-agama sabunnal .
- In puasa hinang sin ALLAH hambuuk daing ha manga rukun sin agama Islam salaggu'-laggu' sarta' in pag-tunay sin manga sambahayang sunnat iban sin manga ammal ibadat halaum niya, mahinag siya tiranan hikalappas sin Muslim daing ha api narka' jahannam .
- Ha bulan Ramadan ukabun sin ALLAH in kalawang-lawangan sin surga'- sarta' tambulun niya in kalawang-lawangan sin narka' iban hukutan niya in manga kasaytan-saytanan.
- Ha bulan Ramadan jimatu duun in pag-bunu' sin Nabi iban sin manga Kapir, Mushrik sarta' duun ha bulan yan dimaug in jungjungan Muhammad (salawat iban salam kaniya) sin ALLAH sarta' diyamag in manga sila kapir ha adlaw Badar hika ruwa tahun na sin hijrah ( pag-lain sin Nabi maun pa madina ).
- Duun ha bulan Ramadan kawhaan kasubangan tahun hikawalu(8) Hijra naukab in hula' Makkah. Limanyut in agama Islam iban timundug in panji sin La ilaha illah ALLAH sarta' napu'-pu' in manga tau nagshi-shirik sambil pa adlaw kiyamat di' na jumatu in pag-shirik duun InshaALLAH.
- In pag-puasa ha bulan Ramadam mahinang taming sin Muslim daing ha narka' sarta' mahinang niya da isab tiranan hikasud palaum sin surga' arrayyan.
- In puasa tiranan hika ampun sin manga paldusahan nakaunan amuin nahinang sin hambuuk muslim .
"من صام رمضان إيماناً واحتساباً غُفِرَ له ما تقدَّم من ذنبه ) أخرجه البخاري و مسلم
في قوله: {يأَيُّهَا الَّذِينَ ءَامَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ } [البقرة: 183]
Ha parman sin ALLAH :
"Hisiyu-hisiyu in namuasa ha bulan Ramadan karna' sin pag-iman niya pa ALLAH iban pangahagari niya duun ha sara' niya iban karnah sin pag-angut niya sin tutungbasan daing ha allah nah! ampunun kaniya sin tuhan in mga dusa nakauna muinnahinang niya".
Hati sin puasa bang ha sara' sin ALLAH;
Amuna in pag-tahga daing ha katan makabahtal sin pausa karnah pag-ibadat pa allah mag-tagnah daing ha pajar sadik ( subu ) sambil tumuhgum in mata suga. Dain di ha ini makawa' natu' pangadjian maniyu'-tiyu' in pag-puasa bukun siya piyardu' sin tuhan karna' pag-ta'ga sadIya sin uhaw iban hapdi', sa' in maksud sin pag-puasa amuna in dumawhat in hambuuk ipun sin karidaan sin ALLAH hangkan daing ha manga salggu'-laggu' hikmat sin puasa amuna in dumawhat in ipun sin kabuga' pa ALLAH ha tiranan hinangun niya in manga pardaakan kaniya sarta' tinggalan niya in katan piyanglangan kaniya.
Ha parman sin ALLAH :
"Ya kamu mga amuin namamaratsaya bar-iman piyarduh kaniyu sin allah duun ha bulan Ramadan in puasa biyah sin kaparduh niya ha mga bar-iman nakauna daing kaniyu mura-murahan bang mayan kamu mag-mabugah" .
