Abu Hafids
Assalamu alaykum wa rakhamatullhi wa barakatuhu. Mangasubu kami kalna bang parihalan pag-agama wayruun da pangangabutan namu' dugaing bang bukun manga kaguruhan nam', iban in kiyalingkat sin bihaini mabanus kataymanghuran mamassa sarta' mabanus in makabassa sin jajawaban sin kaguruhan bilang ganap panghati pa katan..
In pangasubu ini parihalan sin pagdugu' bulan ha babai, ha kabiyaksahan in babai duguun siya bulan-bulan duun naka tuw(3) adlaw sambil pa lumabi, ha bihaun masuuk na in bulan Ramadan, unu makajari baha ha babai in minum siya ubat hasupaya pa'gangan in pagdugu niya bulan ha kabiyaksahan magdatung ha babai ha maksud niya minum ubat pa'gangan in pagdugu yaun hasupaya sadja siya makatalus sin pagpuasa ha dihna siya magqada(magganti')?.Salam kasilasa pa katan...
Jawab:
Needys Seeker
Wa alaamullaahi 'alaykum wa rahmatullaahi wa barakaatu. Alhamdulillah, in FATWA sin manga Ulama` duun ha mas-ala biya` ha ini, in labi marayaw in di`minum ubat in babai [pills] , sabab in ubat yan aun mudharat nya[bad side effects], salta` subay pahamun sin katawtaymanghuran bangsa Faatimah in pagbuka` nila ha bulan Ramadhan ha sa`bu sila Bulanun , in yan inshaAllaah bilang siya Ibaadat, bang mayan in pagbuka` niya yaun sabab sin pangahagad niya ha Tuhan niya amun naglang kaniya di` siya pa puasahun, sabab in SARA` sin Islam duwang(2) kabahagi`;
- Pagtunay sin palda-akan iban
- Paglayu` daing piyanglaangan.
"wa laa tolqoo bi aydeekum ilat tahlukah"
"ayaw niyu tiluan in ginhawa niyu pa kamumulahan" .
al-'ebratu bi 'omoolil lafzh laa bikhusoosis sabab.....WALLAAHU A'LAM BIS SAWAAB..
Sugpat pangasubu:
Ann Ismael
Assalamualaykum utu' Abu Hafidz,magmaap bang ku kasugpatan in sual mu pasal magsibu' (related) da ha pangasubo mu in sual ku..
Manga guru namu' kalasahan.. Upama (ex.) Aun waktu(schedule) namu mag-umra atawa kan (or) magHajj ubus in waktu yaun kimugdan laung ta ha waktu sab pagdugu namu', manjari(so) in hinangun namu minum ubat para laung ta di' lumaus( ma-delay ) in pagdugo namu bat supaya maka-agad kAmi ha pag-Umra atawa (or) ha pagHajj yaun, pasal di' daman kami tugutan madtu mag-umra atawa (or) maghajj bang bukun da laung ta miyamagad ha tumupukan(group) atawa (or) ha manga mahram namu. Magsukol iban salam saplag pa katan.
Jawab:
Needys Seeker
Wa alaykum musslam wa rahmatulah. Alhamdulillah, in tungud ha pag-Hajj atawa Umra, jiyari sin manga Ulamah in pagpakay sin ubat [pills] supaya di` bulanun, sabab sin 'udzhur [excuse] dakula`, adakala bang siya bulanun hikabin siya sin manga pana-iban niya,salta' malaggu` in maksud mu biya` na sin nasabbut mu sabab yan.
Buwat malaingkan in sarat [condition] niya subay di` makadihil mudarat kaniya in pag-inum niya sin ubat[pills] hangkan subay siya umagsu` muna pa mangungubat [e.g. OB/GYN Doctor-consultant] amun kapangandulan. Wallaahu a'lam.
Kiyawa` daing ha fatawa hi Ash-shiekh Ibn Jibreen. Ha kitab Fatwan Nisaa amuin tipun iban tiyaritib hi Muhammad Abdur Rahman 'Omar hafizhahullah. Pages. 224-225 ma-at tasarruf.
