Pangasubu:
Darus Pingli Ajahad
assalamu alaylum mga guru namu kalsahan awun ini pngasubu cn taymanghud nyo awun nangasubu kaq taymanghud ta nyo ha agama psal cn bya pg butang daw ha baran bya di pg kunsunadahun bya ampan ampan daw unu in hukuman nya guru namu klasahan? sihir haram atawa ect.?
Jawab :
Ibn Shaakir
Wa alaykumussalam warahmatullahi wa barakatuhu. In pagpakay/pag-usal Habay-habay ha Baran, tantu nakapagshirik (nakapagsakutu) na siya pa Allahu ta'aala, ha hadith sin Rasulullahi (sallallahu alayhi wasallam):
((من تعلق تميمة فقد أشرك))
Hati niya: "Hisiyu-siyu in namakay Habay-habay, tantu nakapagsakutu na siya" (Kiyapaguwa' hi Imam Ahmad ha Musnad niya)
Bang in Niyat niya namakay habay-habay, sabab hikalayu' kaniya dayin ha Mudarat, nakasud siya pa Ash-shirkul Asghar (pagsakutu sibih-sibih), sambil siya mahinang siya pagsakutu dakula'. Malayingkan, bang niya tiyantu sin in Habay-habay piyakay niya, maka-agpang dayin ha mudarat atawa makarihil kamumpaatan kaniya, na' nakahinang siya pagsakutu dakula' (Ash-shirkul Akbar), dusa dakula' sarta' in dagpakan sin kamatay halaum pagsakutu pa Allahu ta'aala, hikatattap kaniya halaum Narka' iban di' siya ampunun sin Allahu ta'aala.
In makarihil mudarat iban maka-angkat sin Mudarat, tuput tunggal in Allahu ta'aala, wayruun kawasa sin habay-habay atawa unu-unu na Tamaa'im/Ruqya/Tiwalah misan biya' hanglup, iban dih yan makamudarat sarta' way kamumpaatan nila.
Subay magtaubat in nag-uusal sin mga nasabbut yan, subay kita niyu mangandul pa Allahu ta'aala tunggal isa-isa niya, hihagsu' natu' in ktan pakaradja-an natu' kaniya.
Wallahu a'lam.
