Halima Muslimah
salamuaLAIKUM.....mag ask sana ako about uno in marayaw pag saat sin awwal wakto ha mga babae dugaing dugaing kasi karungugan ko....aun subay ubos mag bang, kaibanan subay kuno ubus mag qamat and aun isab subay kuno ubos mag salah cn mga usug ha masjid....amun gumuwa na sila amu kuno in pinakamarayaw.....plz pagpasawa hadja....tnx
Jawab:
Tadjuk Lawihan
wa alaykumus salam...
In kababaihan wala' sila kiyawajiban magsambahayang Jama'ah ha Masjid, sagawa' apabila sila mabaya' sumambahayang Jama'ah pa Masjid ha di' sila makadihil pitna hakausugan, na' in yattu jiyari sin Agama Islam, biya' na sin nagkahinang sin manga Sahabiyyah (Radiyallahu anhunna).
Hadith sin Rasul (sallallahu alayhi wasallam):
لا تمنعوا إماء الله مساجد الله
Ayaw niyu pa'gangi in manga kababaihan (Iypun sin Allahu Ta'ala) bang sila manaw harap pa Kamasjiran sin Allahu Ta'ala. (Bayta' hi Imam Bukhari, iban hi Muslim iban hi Imam Malik ha kitab niya Al-Muwatta')
hakaibanan riwayat awun ganap : وَلْيَخْرُجْنَ تَفِلَاتٍ غَيْرَ مُتَطَيِّبَاتٍ
(Iban subay sila gumuwa') bukun nanghahamut-hamut..
Hadith pa sin Rasul (sallallahu alayhi wasallam)
إذا استأذنكم نساؤكم إلى المسجد فائذنوا لهن
Apabila mamaid kaniyu in kababaihan niyu manaw pa Masjid na' tuguti niyu sila (Bayta' hi Imam Muslim)
Sa' bang siya makadihil pitna hakausugan atawa manghamut-hamut siya amuin hikakibad sin pangatayan sin kausugan kaniya na' labi apdal in duun siya ha bilik niya magsambahayang.
Laung hi Ibn Mas'ud (radiyallahu anhu):وَالَّذِى لاَ إِلَهَ غَيْرُهُ مَا صَلَّتِ امْرَأَةٌ صَلاَةً خَيْرٌ لَهَا مِنْ صَلاَةٍ تُصَلِّيهَا فِى بَيْتِهَا إِلاَّ أَنْ يَكُونَ مَسْجِدُ الْحَرَامِ ، أَوْ مَسْجِدُ الرَّسُولِ -صلى الله عليه وسلم- إِلاَّ عَجُوزًا فِى مَنْقِلَيْهَا.
Sapahan ku ibut pa Tuhan amuin way na mapatut pag tag-iypunan malaingkan siya, way sambahayang sin hambuuk babai amuin labi in dayaw niya dain sin sambahayang niya ha halaum bay niya, malaingkan bang in kaawnan niya sumambahayang ha Masjid Al-Haram iban ha Masjid sin Rasul (sallallahu alayhi wasallam) Ha Madinah.......malaingkan amura in maas babai halaum sin pagdarahan kaniya.
duun haini, apabila dumatung in waktu sin sambahayang na' subay nila hitindug in sambahayang ha waktu niya, ha wala' na siyarat subay pa gumuwa' in kausugan dain ha Masjid atawa subay maubus mag Qamat ha Masjid, sa' bang dumatung na in waktu subay na kaw sumambahayang, misan bihattu labi marayaw bang paubusun mu naa in Adhan (Pagbang) ha Masjid..
Wallahu A'alam
