Parkala' sin upat(4) Hinasil

Pangasubu:
Nurshaima Muslimah

     Assalamualaykum warakhmatullahi wabarakatua...Manga kaguruhan sin kami katan ha tumpukan sin ini. Aun aku pangasubu hal sin upat pag-iyanun, Upat(4) hinasil, Lupa', Hangin, Tubig iban kayu, Bang way raka nakasulang ha agama islam atawa aun ka dalil niya daing  ha Qur'an? 

     Magmaap man manga kaguruhan bang in pangasubu way imamu....jazakallahu khair, salam kasilasa pa katan ha tumpukan ini. Magsukul...

Manga kakahinang makru' halaum sambahayang

Pangadjian:


Fahad Haris
Mga kakahinang makru' ha laum sambahayang;
 

• Makru' in maglingi'- lingi' halaum sin samabahayang sabab daing ha manga panasat sin shaytan, malaingkan bang aun ujul biya' na sin aun kabugaan niya daing ha manga kuntara niya atawa ha sa'bu siya ha pag-bunuaan, duun ha kahalan yan wayruun da sa' niya misan siya maglingi' lingi' 

.

• Bang sawpama simiha' katan in baran niya daing ha kibla ha wayruun ujul niya, maba'tal in samabahayang niya.

Tungud ha pagtuntut ilmu'

Pangadjian:

Fahad Haris

Kalabbiyan sin pag-tuntut ilmuh 

قال البخاري رحمه الله : ( العلم قبل القول والعمل لقوله تعالى : ( فاعلم أنه لا إله إلا الله ) سورة محمد :19 فبدأ بالعلم قبل القول والعمل 

قال البخاري رحمه الله : ( العلم قبل القول والعمل لقوله تعالى : ( فاعلم أنه لا إله إلا الله ) سورة محمد :19 فبدأ بالعلم قبل القول والعمل و إنماالعلم بالتعلم )

Laung hi al-imam al-bukhari kiyaulungan siya sin allah : in ilmuh subay paunahun daing ha himumungan iban kakahinang ha parman sin allah : ( ingat kaw sabunnal tuud wayruun mapatut pag-tagipunan malaingkan tuput in allah ) dain di ha ayat ini nabangkil subay makauna in ilmuh daing ha kaul iban piil nah! sabunnal tuud madawhat in ilmuh ha tiranan sin mag-guru .

Tungud ha manga ulama'

Pangadjian:

Fahad Haris

Kalabbiyahan sin mga ulama 

Muna-muna subay natuh kaingatan bang hisiyu in pag-ngan alim atawa kan ulama . bukun in katan amuin maingat mag-bissara sin agama kanganan na siya alim 

In alim bang siya mataud na in pag-tawag kaniya ulama ., adapun in hati sin alim siya in maingat ha sarah iban nakahati sin agama kiyaiingatn niya in usul sin agama / puunan sin agama iban sin puruh niya /sanga sin agama 

Hatiniya wayruun daing ha mga ilmuh malaingkan kiyaiingatan niya , sartah yaa anggawtaan sin baran niya in ilmuh niya .

Adapun in kalabbiyahan sin alim:

tungud pagbahagi sin nausaha

Pangasubu:
Nursiba Allih

     Assalamu alaykum wrahmatullahi wbarakatuhu...Pa manga kaguruhan namu' kalasahan amuin matilusa magjawab ha mga kasual-sualan. Aun ini tuwan pangasubu ku, Aun alta' ku 50,000 piyagpa-usaha ku ha malaggu' tinda(big store) pag ubus kahaba' bulan(every month) magpaka tabuk (received) aku 5,000 usaha sin cein ku yadtu. Unu tuwan di'da yadtu maitung ganda riba in usaha matabuk(received) ku bulan-bulan(monthly) yadtu?allahu a'lam..

Hukuman sin magsasambi' cein(money changer)

Pangasubu:
Fatima Widad Naik

     Assalamu alaykum manga kaguruhan. Yari in hambuuk murid niyu mabaya humati. Mangasubu aku laung kaniyu manga tuwan namu', Way ra piyanglangan in usaha  MONEY CHANGER? Amuna magsasambi' cein sin manga dugaing-dugaing hula'(country), biya' na sin manga ( D0llar,Dinar,Ringgit iban na sin kaiban)an sambian pa Piso?

     Bang sawpama bukun da hiyaram, unu-unu in aturan subay agarun sin tau nagsasambi' cein(money changer)?. Maapa niyu aaku bang bukun matampal in pangasubo ku. kamu na in makahati. Shukran..

Manga palihalan sin kibir/ takabbur

Pangadjian:


Fahad Haris

Pangadjian ha palihalan sin kibir/ takabbur .

In pag-takabbur piyanglangan sin tuhan sabab in pag-takabbur pangaddatan mangih .ha parman sin allah :

وقال تعالى: { ولا تمش في الأرض مرحا إنك لن تخرق الأرض ولن تبلغ الجبال طولا }
Hatiniya : iban ayaw ka mag-panaw duun ha babaw sin gumi karnah magtikaran , sabunnal tuud minsan pa biyaddin in pag-tikad mu dih dakaw makabuslutsin lubah , iban dih mura abutan in but sin ladjang mu .
.
وقال تعالى )إن الله لا يحب كل مختال فخور (
Hatiniya : sabunnal tuud in allah dih makasi malasa hakatan tau matakabbur, duun naka takabbur ha himumungan iban kakahinang .

Hukuman sin maghinang-hinang(Sihir)

Nurshaima Sali

     Assalamu alaykom warakmatullah wabarakatu..,

    Salam pa katan kagurahan sin kami, iban pa manga members sin tumpukan ini. Aun ako pangasubu ini hal sin pang hinang-hinang manusiya'. iban unu in hukuman sin panghinang-hinang manusiya'...Shukran manga kaguruhan namu, bang aun sual ku way imamu maap kaniyu katan.

Hukuman sin mag-ayil aun medjas

Pangadjian:

Fahad Haris 

Hukuman sin mashu ala khufain dana in medjas.

     In hati sin mashu ala khuffain bang kaw nag-ayil sa'bu aun medjas mu di' muna siya hubuun sa' palabayan muna na sadya siya sin tubig sapuhun. In hukuman niya jiyari siya kiyabaya' ha halaum Qur'an mahamulliya iban kiyabayta' sin Nabi (salawat iban salam) kaniya sin "ALLAH" sarta' piyagmawpakkatan sin katan ulama' ahlu sunna wal-jama'a.

Hukuman sin magpatindug parlur

Pangasubu:

Mujahida Hasan 

     Assalamu alaykum warakhmatullahi wabarakatuhu...Hambuuk taymanghud nag-asubu bang makajari kita Muslim magpatindug Parlor? Pasal in kiyapag duwa-ruwa niya amun aun siya hiyaram hinang biya' na sin magcutex, iban magsu'su' kilay. Unu siya ini manjari atawa di? Jazakum Allahu khairan...

 

Tungud ha salatul duha'

Pangasubu:

Nurs Saiyadi 

     Assalamualaykum warakhmatullah kaniyu katan ha sualun wa jawabun...Aun aku pangasubu manga kaguruhan sin kami katan, ha tungud sin salahtul DUHA' , Bang biyadiin kahantang sin dahan niya ini, pasawaha niyu kaku' manga tuwan guru namu. pasalan mabaya' aku tuud ini hinangun ,sa' way pa aku nag us-us himinang pasalan way ku pa kipahaman tuud in sara' niya bang biyadiin in kahantang. InshaALLAH tumagad aku sin jawab niyu katan sin guru namu'. Magsukul...

 

Tungud ha adlaw juma'at

Pangasubu:

Ummu Sulaym Bintu Abderrauf 

      Assalamualaykum warahmatullahi wa barakatuhu..mangasubu aku manga kaguruhan sin kami ha tungud sin kalabbiyan sin adlaw juma'at iban sin ha dum niya.

     Unu in sarayaw-rayaw hinangun sin kami ha adlaw yan amun khassa sadja siya ha adlaw yan, bat tuan aun kami kiyadungugan nagkabtangan daing ha manga sila magnanasihat, in agi nila bang laungna in suratul kahfi bat bassahun ta sadja ha adlaw juma'at BID'ah kunu'. Hangkan mabaya' aku tumarrang kaku in bihayni, iban kuhnu magtagna' maharam in pagdagang ha adlaw yan ? SHUKRAN..JUMUAH MUBARAK..

 

Hukuman sin makaun daing ha usaha luggiya'(RIBA')

Pangasubu:
Omer Abduhasan

     Salam manga kalasahan namu kaguruhan, maapa niyu aku aun ini pangasubu ku.Unu in hukuman bang saupama aun nagda kaku kimaun sa' in siya ini in usaha niya RIBA. Unu baha in pagkaun kiyaun ku yadtu dida mahinang sabab di ika tayma sin ibadat ku pasal aun diyungug ku nag iyan ka'patan adlaw( 40 days ) bang kita makakaun harap di' taymaun in ibadat ta iban dihilan niya pa aku sin unu in sin yadtu manjari ku usalun ipami pagkaun?

Parkala' pagtahakim(PAGTAHKEEM)

Pangasubu:
Ibn Jaripin

     Assalamu alaykum tuan. Pangasubu sin taimanghud niyu pasawaha kamu in hukuman sin pagtahakkim. Iban unu in sharat hisah sin magtahakkim.? Pasal mataud na kiyasakupan namu' ha hula' natu' in kabaihan bang sila madtu pa guwa pa mga mujahidin magbana in pagtag nila tahakkim.Shukran, wa jajakumullaho khairan.

Parkala pagtunang

Pangasubu:

Muhammad Rifq

     Salam...Pangasubu(question) ku manga ustad. Manjari ku pangasawahun in babai aun dugaing tunang niya? Magdusa baha aku makapag butas sila danan ku?

Makaba'tal ha laum sambahayang

Pangausubu:

Naseer B Ajalal 

     Assalamu alaykum warahmatullahi wa barakatuhu pa manga ka guruhan kalashan sin kami iban na pa tarbilang(member) sin sual ibn jawab. Saupama wala' imamu mangayu' kami kamaapan.Pangasubu namu'Pasal sambahayang Bang unu-unu na mayan in MAKhRU' iban maka'batal ha laum sambahayang? Unu in hukuman sin MAKHRU'?

Magsukul.jazakallahu khair...

Tungud sunnatul witir

Pangasubu:
Miyo Ramram 

     Assalamu alaykum manga kaguruhan mabaya aku humati sin kahalan sin witr...baya' kasi aku huminang ba'gu matug sarta' bukun tuud masawa kaku...pasawaha niyu kaku maga guru kalasahan iban in manga kahalan niya.Magmaap man. Mabaya sadja aku humati sin sunna sin rasul..

     Ay maap man, biya' sin, pila rakaat in tubtuban sin witr? Makajari baha' 3 rakaa't? 5? iban 12 rakaa't? Mataaud kasi aku naasubu biya' bukun masawa in jawab kaku.Magmaap man guru kalasahan...

Parkala' Haq sin muslim

Pangasubu:

Moh Al-kimar Abubakar

     Asslamu alaykum manga guro ku kalasahan mabaya lang aku mangasubo ha tungud sin HAQ sin taimnghud ta muslim duun katu'. Unu naman kah tuwan in manga hadith atawa kan farman. Mabaya' hadja aku humati Inshaallah swt sukran...

Jawab:

Tungud ha Hukuman sin bantut iban tumbuy ( Liya'nat sila sin ALLAH )

Pangasubu:

Dearest Yush'Agony 

     Assalamu alaykum warahmatullahi wabarakatuhu..Yari na sab aun pangasubu ku manga taymanaghud labi-labi na pa manga kaguruhan natu' ha bilik-bilik ini.. Gatus-ibu TABIYA', MAAP iban AMPUN pa hal sin pangasubo ku ini. 

     Unu in hukuman ha sila piyaganak babai, sa' in pangatayn nila usog sila (lesbian)?, Iban sin sila usog sa' in ha pangatayan nila babai sila (gay)? Maap bang aun biya' sensitive in pangasubu ku in. mabaya' sadja aku humati ha hal sin ini.

     Maap ma yan.. INSHAALLAH kjawaban niyu maraw manga ka' tuwan guru in pangasubu ku ini.. tagaran ku, wassalam..

Parkala' Pagbahasahun Tawheed

Pangasubu:
Ben-ajar Tingkasan

     salam manga taymanghud ko agama islam..

     Aun ini sual ku. Unu in pagbahasahun tawheed? Iban biyadiin kahantang niya? Iban in tawheed pagnganan magkabugtu' siya atawa di'? 

Mabahaya' aku humati ha hal in. Magsukol manga kaguruhan sin kami...

Parkala manga Pagduwa'a ha Tampat(qubur) ,mangita' sin pag-ubat iban kaibanan

Pangasubu:
Jhers K. Jadjuli     
     Assalamu alaykum manga kaguruhan ku mulliya Iban na sin kataimanghuran sin aku...

   Aun ini pangasubu sin aku ha parkala sin PAG-DUWA'A, biya' na sin Pag-duwa'a ha Katampat-tampatan?Iban sin bang aun nasakit sin mga kaanakan magpakita' ha tau mangu-ngubat, ubus aun kitaan wayruun sila hati niya wayruun siya nakapagduwaa, Hati niya

Jiyari ha kababaihan in magbang atawa magqamat?

Pangasubu:

Sittinor Addin 

Assalammualykm warhmatullahi wabaratuh pa mga kaguruhan nmu kalasahan.yari in pngasubu ku biyah kamu bngsa fatimah mgsambahayang habay isa2x b4 kami sumambahayang bihan
1.unu yt2 subay pa kami mg bang ibn mgkamat,atawa kan sumambahayang nakami deretso?

Paggah in pgsambahayang cn babae ibn usug yruun cya pgbiddaan bihan byahdiin
isav in pgsambahayang nmu biyah na cn fajar,mgrib,isha pgpakusugun in pgbassa cn fatiha ibn surah atawa kan ayat duun ha duwaa rakaat yn.

Parkala pagka' nyawa

Pangasubu:
Isa Abdulmajid

     Asalamu alaykum ha katan kalasahan ku ha agama islam labiluba' na ha mga kaguruhan namu' mulliya. Aun pangasubu ku mabayah tuud aku humati. sin kasabunalan.

1.)Bunal bahah bangdumatung na in malakalmaut kumawah ngawa sin hambuk tua makadjari niya pa tanguhan?1year pa ampasiya mikimatay atawa dih na tuud?

2.)Unu in kamatay sarayawdayaw kamatay hati niya biglah sadja atawa inut inut?

Parkala' Pagmawlud, Pagtulak bala' iban na sin kaibanan

Pangasubu:
Jhers K. Jadjuli

     Assalamualaykum mga taimanghud sin aku di ha babaw sin dunya sambil pa adlawa akhirat.

     Aun aku ini pangsubu pasal sin Tablig ini Iban sin Bukun Tablig. Hati niya amuin kamaasan sabab maba' tuud aku humati bang unu in amuin kahagaran sin kita niyu ha hinang nila ini pasal bunnal. Sibu'-sibu' kita niyu ini muslim sa' aun Tablig aun bukun. Hati niya dugaing in amuin sara'(rules) sin pakaniya-pakaniya, hangkanna maba' tuud aku humati bang unu in amuin kasubunnalan hinangan..

Parkala' pagloan ha bangku

Pangasubu:


Daud Catalan

     Assalamualaykum warahmatullahi wabarakatuhu pa mga kaguruhan namu kalasahan aun sana sual ku kaniyu. In sual ku bihaini biya' natopic na ha baba n pasal pagsanda' masawa malanu kiyahatihan ku na. Hal yan sa' pangasubu ku bihaini,

     Biyadiin baha in hukuman sin mgloan kaw ha banku? Sari biya' katu' ini yari ha saudi daran, bang kita magvacation mgloan naa kita ha supaya aun misan da kuman pilasin mara pa hula'. In kiyasusahan ku bang kita magloan aun man interest. So, pahathia niyu kaku pasal biya' di' ku kaingatan bang unu in hinangun ku (dont know what to do..)

Barakallahu feek ini advance para ha jawab niyu salam kasilasa pa katan...

 

Hukuman sin pagbana atawa kan pag-asawa ha bukun muslim ( In ini Haram Iban in pagsu'uk nila Zina(dusa) )

 Pangasubu:

Khausar Madjani 

      Assalamu alaykum kaniyu katan mga kaguruhan iban pa katan taymanghud ku ha agama Islam. SUAL ku manga tuan guru ha pasal sin hukuman ha ka babaihan amun makabana amun balik Islam atawa amun bukun Islam...

Magsukol kaniyo katan..

Parkala Tawbat Pitu(7) iban na sin kaibanan

Panagsubu:


Aryam Alpasain

     Assalamu alaykum warahmatullahi ta'ala wabarakatuhu..

   Aun sual ku mabayah aku hatihun bang aun ba pangdaakan pagbassahun ha pagpaygu', amun dahan sin kamaasan sambil bhaun pag-usalun ha hula, iban aun ba pandaakan atawa dalil sin mga tawbat ini: tawbat kupul, tawbat 7 gawta, tawbat nasuha, unu hati ini mga tuwan. Maaf ha pangasubo ko bng dh umamu..magsukol...

Parkala' kawin duwa-ruwa

Pangasubu:


Abdulsakor Ahajan Juhan

     Salam manjari magasubu ha mga kaguruhan ha tiranan..in kawin duwa ruwa awn ha shara' sin islam? Awn nakahindu kamu biya' d' makaun sin pikilan namu hankan naabut ku magangasubu. Allahu alam. Mgsukul..

Parkala' pagjamu ha pagtiyaunan

Pangasubu:


Alimuktar Balilo Insani

     Assalamu alaykum..Aun pangasubu ku, in sa lummi'-lummi' na kunu pagkaun amuna in kakaun ha pagtiyaunan? Mbya sadja aku humati sabab aun diyungug ku nagbayta sin bihan.

maap da kuman.

Hati sin Ammal Saaleh iban Jariya

Pangasubu:

Nur-ina Baybaya

     Assamualaykum wa rakhmatullahi wabarakatuhu.. 

    Aun aku ini pangasubu tukbal pa kaguruhan amun kiyawakilan di ha tiranan. Ini in panasubu, unu baha' n pag iyanun Ammal SALEH iban Ammal JARIYA? Andu' magmaaf pasawaha niyu kamu. Mahuli salam kasilasa maun kaniyu. WASSALAM.

 

Parkala zuhur ha adlaw juma'at

Pangasubu:

Mheidzy Majid

     Assalamualaikum pa manga lundang karabat sin kami yari ha tiranan ini, labi allah na pa manga kaguruhan sin kami. Yari aun pangasubu(sual) sin kami halan sin sambahayang ha adlaw juma'at.

"MANJARI BAHA' KITA TIMINDOG SIN FHARDU' DUHUL MISAN IN KIYAUNAN NIYA UBOS NA KITA SIMAMBAHAYANG SIN FHARDU' JUMA'AT HA ADLAW NASABBOT IBAN UNO IN MANGA HUKOMAN NIYA"?

     Tumagad kami sin jajawaban sin kamu ha supaya sumawa in pamaham sin kami... magsukol, kasilasa way hugna'.

Parkala sin pagkalang atawa kan pagdungug sin kalangan (music)

Pangasubu:

Nurs Saiyadi 

     Assalamu alaykum pakatan sin ha groupu sin sual iban jawab inii, luba' labi pa kaguruhan taniyu katan duun hayni. 

     Magmaap manga kaguruhan sin kami katan. mangasubu aku sin pasal  sin pagdungug music. Biya' na sin magkalang at ibapang music. Mabya sadja ako humati sin hukuman bang biyadiin. Salam tumagad aku sin

Parkala pagwarna'(color) sin buhuk

Pangasubu:

Drifter Rose  

     Assalamu alaykum wa rahmatullah. Pa mga kaguruhan namu, aun kami pangasubu.

     Unu makajari baha magpacolor sin buhuk in mga kababaihan?. Pasalan bang magpa-rebond sin buhuk in ubat hipagbutang masuhul taga color. Kamawmuhan color brown.

     Unu makajari da baha' yadtu mara magsambahayang? Mabaya kami humati pasalan laung sin kaibanan di kunu' makajari, pasal di' na ka-aylan in buhuk. Hati niya yadtu kiyatampanan sin color.

InshaAllah karihilan niyu kami jajawaban. Magsukul. wassalam.

 

Jawab:

 

 

Tadjuk Lawihan 

     Assalamu alaykum Indah Drifter Rose.

 

     In pagcolor sin buhuk jiyari sin Agama Islam sarta' nagkahinang sin manga sahabat (radiyallahu anhum). Laung sin manga Ulama' bang in hangkatau mataud na in puti' sin buhuk niya makajari niya pintahu sin hinnah (passal) walnah pula, kulit , etc,, sagawah dih manjari pintahun sin walnah itum (color itum). 

 

     Laung sin kaibanan Ulama' haram in hukuman niya. Laung sin kaibanan Makru' sadja. Na puas sin color yan jiyari sin Agama Islam labi awla bang in babai taga bana sakali hipagpalingklat niya ha bana niya. Na in yadtu labi marayaw hasupaya kuyagan kaniya in bana niya.

 

     Adapun bang in hangkatau magcolor sin buhuk hasupaya siya aturun bata' ba'gu atawa hipanglingu niya hakausugan atawa in usug hipanglingu niya haka babaihan hasupaya siya aturun mabata' pa, sartah itum in pakayun niya color, na in ini piyanglangan sin Agama Islam.

 

     In pagpakayun sin nakauna amuna in HINNAH, passal bang ha bahasa ta. Adapun in pag usalun sin manga parlor bihaun bukun na hinnah ha sabab ini subay kamu mahallih sabab sin awn side effect niya iban in yan taga chemical.

 

     Ampa in color di' da siya hika ta'ga sin tubig suminup pa buhuk hatiniya mabasa' da sin tubig in buhuk.

 

wallahu a'alam...

 

 

 

‎RiDah Mutahabba

     Assalamu alykum mga kakasi...

     Matarrang na in jajawaban sin guru ta byah kan tuan tadjuk..

     Manjari ha usug babai in magdye sin buhuk nia puas sdja sin itum. In pagdye sin buhuk itum bang ha mga ulamaus salaf in siya haram. Sabab sin nanglangi ha bihan hantang niya in rasul.

Sa' in higanap ku sadja amun biya' wa y nasabbut sin guru ta.

     In magpacolor sin buhuk, jarihun sadja siya sin shara' apabila in siya iyuban na. Bima'na miyuti' na in buhuk niya.

     Adapun apabila in walna' sin buhuk niya masi da itum, bimahna way da napinda dain ha kariyasali niya, in iyan HARAM in hukuman niya pintahun mu siya pa dugaing warna', sabab in yadtu laung hi doktor Fauzan nakasud na siya ha tashabbuh (paningud-singud) ha mga tau jahil. Ampa in hukuman sin maningud-singuri ha sila mga jahil in siya matan haram.

 

     Hangkan piyaawun sin "ALLAH" in warna' sin buhuk taniyu itum, ha sabab amu yadtu in hikatup katu' ibn hikalingkat. Manjari mayta' subay ta pa pindahun madtu pa dugaing warna' sin way pa isab miyuti' in buhuk ta.

     In hukuman ini kabakan ha kitab tanbeehat al-ahkam takhtassu bilmu'minaat, biyaktul hi dr. Fawzan..

Kasi iban lasa mawn kaniyu katan..

Parkala NURSES ha abroad

Pangasubu:

Raema Arabani Asid

     Assalamu alaykum mga kaguruhan namu' ha pag-agama Islam. malingkat tuud sin na awn in bilik-bilik ini SUAL iban JAWAB ini karna makadawhat in kami sin ilmu' sin "ALLAH" ha supaya kahatihan iban mapasawa kamu' in mga hukuman.

 

     In pangasubu ku ini ha pasalan sin mga NURSES nag-abroad malayu pa mga mawmaas nila, magayuput sin mga pasyente biya' na sin mga magpakaun, magpapayguh, magpainum ubat iban tabiya' yaun pagpaintawu' kanila in sakaula-ula in pag-ayuput namu' biya'sin mawmaas namuh. Unu baha in hukuman in tau dugaing maayuput namu' sa' in mawmaas namu' ha hula nasakit kyapasaran namu' karna sadja paglag napaka. Anduh pasawaha kamuh mgsukul.

 

Jazakumullahu khayran...

 

Jawab:

 

RiDah Mutahabba

     Wa alaykum mussalam....
     In bunnal niya inda' in hal bhan mahunit, sarta' biya' maawun in konsinsiya ha pangatayan mu sabab ha waktu kaw ng-aayuput sin pasyinti bukun kaunu-unu mu, katumtuman mu in maas mu bang biyadiin da in hal hiwal nila ha hula'.

     Sumagawa', byah na sin agi mu, in iyan usaha supaya makapagnapaka kaw pa duwa maas mu. In ngan pg-usaha maluag, doun na ka ha hula' atawa ha guwa' hula' kaw nga-usaha, in maksud mu manglawag napaka labi luba na pa duwa maas, in yatu ibadat salaggu'-laggu'. Amu sadja in usaha mataud ginisan niya, duun na ka di' Engineer, Janitor ibn na sin kaibnan, sarta' in bayaran kanila amu na in sangsa' nila ha hinang nila.

     Amu sadja in nurses, in siya nakabidda' dain ha kaibanan, sambat mu, in ktan kagunahan sin pasyente, kamu in huminang katan, duun na ka magpakaun, mgpainum iban maglanu' sin mga najis sin mga malaas, sumagawa' in iyan, di' hikabak mu dusa, amu in maas sin dugaing in ayuputun mu manjari in maas mu yadtu ha hula', sabab ha bihan hantang hinang mu, amu yn in gadjihan kaymu, sartah dain ha tiranan sab yan, makapara kaw hikapgnapaka mu pa duwa maas mu. 

     In mgusaha kaw supaya pagnapaka ha maas, amu in hikaduhul mu in kalagihan(necesities) nila, in kabayaan nila, mapahadji' mu sila, mapakaun sin kakaun marayaw, hkabutang mu ha pamaymay masanyang, in yadtu labi marayaw dain sin tumunggu' kaw duun kanila ubus in kahalan niu masigpit sartah agun dh msan mkakaun mrayaw. In tumtumun ta, in pagmarayaw pa duwa maas in yadtu malaggu' ibadat pa "ALLAH".

     Sumagawa' biya' ha kahalan mu ha tulakan di' maka-ayuput ha maas sabab nag-uusaha pagnapaka kanila in yan ibadat da isab dakula'. Sah aun hambuuk parkala apabila mu mahnang, sibu' dakaw malayu iban masuuk pa maas mu. Apabila siya nahinang mu way piyagbiddaan in pahala madawhat mu. Sartah in siya ini, amu na in  saraw-raw (The best way)  mahinang mu pa duwa maas mu.

     Unu in parkala ini? Amu na in ibadat mu inda'. Magsabab sin ibadat mu, sibuh dakaw masuuk atawa kan malayu' kanila, sibu' da in sila buhi iban wayruun na, in karayawan nila timutubud madtu kanila, sabab in ikaw dain ha sulbi nila.

     Adapun in ayat ha surah al-isra' tungud pagmarayaw iban pgabakti' pa duwa maas, biyulian siya sin "ALLAH" sin duwaa pa duwa maas. Sarta' sunnat siya hipagduwa-a ha last sujud sin sambhayang, amu na in;

ALLAHUM MAGFIRLIY WALI WAALIDAYYA WARHAMHUMAA KAMAA RABBAYANIY SAGIYRA.. 

ya "ALLAH", ampuna aku iban sin duwa maas ku sarta' ka-ulungi sila biya' sin ulung iban pagparihala' nila kaku' ha waktu ku kasibi-sibi.

     Pataptapa in duwa-a yan ha sambahayang mu, sarta' butanga tuud ha laum sin pangatayan mu, misan pa hikarihil mu na in dunya ini iban sin luun niya pa duwa maas mu, bukun yadtu in jukup supaya kagantian mu in hulas sangsa' nila kaymu labi luba na hi ina' mu amu in kiyasigpitan tuud landu' nagsabab dain kymu.

Wallahu a'lam.

Parkala pagturung

Pangasubu:

Cmang Malagit

     Assalamu alaykum wa rahmat "ALLAH". Aun aku pangasbu kaniyu mga guru namu kiya ulungan sin ALLAH. Unu sab in hukuman sin babai natitirung ubus di' magsasmbhayang? atawa kan nagsasmbhayang na siya sa' di' magtabun sin aurat niya?.

 

Jawab:

 

RiDah Mutahabba

     Wa alaykum mussalam...

     In pagsambahayang inda' wajib sarta' rukun sin agama, mahuli in pghijab isab hambuuk da isab wajib pa bangsa fatima.

    Adapun, Apabila aun hambuuk dain kanlia in natunay sarta' in hambuuk kiyatinggalan, bukun affected in sabab tinggalan niya. In hambuok, Apabila siya naghijab ubus da' magsambhayang, dhilan siya pahala' sabab sin pagtirung niya, sartah mgdusa siya sabab sin pagtinggal niya sin sambhayang.
     Sumagawa', misan sab hinang niya na in katan ibadat mahuli tinggalan niya da in sambahayang. In yadtu magkangi' da in katan ibadat niya. Biya' na sin hadith sin rasul, 

"Awwalu ma yuhasibu bihi abdu yawmal qiyamah assala, fa in fasadat, fasada sairu a'malihi".
In panagnaan bistahun ha hambuuk ipun ha adlaw kiyamat amu na in sambahayang, apabila nagkangi' in sambhayang, nagkangi' da isab in katan ammal ibadat niya.

     Damikyan, in tiyunay niya in sambhayang ampa isab tinggalan niya in paghijab, dihilan siya pahala ha pgsambhayang niya sartah magdusa siya ha pagtinggal niya sin paghijab sabab in iyan kyawajib knia sin allah.

Sumagawa', in ayat sin "ALLAH" namaytah;

 "Innas salata tanha a'nil fahsha-i wal munkar".

In sambahayang hikata'ga dain ha hinang fahsha(byah na sin zina ibn ribah, sartah hkatahga knia dain ha hnang kabubungsihan atawa kadudugalan sin allah, byah na sin dh mghijab.)
     Adapun, apabila hiyalgaan niya in pgsambhayang niya iban na sin kaibnan ibadat niya, subay niya hallian amu in mkahinang siya langgal shara' pa "ALLAH" bIiya' na sin di' magtampan sin awrat niya.

Wallahu a'lam.

Rukun hangpu' tagtu iban sin sipat kawha-an

Panagsubu:

Amilhamja Nhur

     Assalamu alaykum mga kaguruhan sin kami. Aun ini pangasubo ku. Unu in kapaiddahan  sin rukun hangpuh tagtu iban sin sipat kawhaan manjari pa ini ingatun ta? tumagad aku tuwan sin jajawaban niyu pasalan di'  ku kahatihan, aun pagkarungugan ku sin rukun 13 iban sipat 20. Magmaaf kaniyu mga kaguruhan.

Jawab:

Tadjuk Lawihan

     Wa alaykum mussalam... 

     In rukun hangpu' tagtu (3) amuna yan in rukun sin Sambahayang fardu' ha Madzhab sin Imam Shafi'iy (Rahimahullah), na wajib ingatun sin tiyap-tiyap Muslim amuin timutundan ha pamaham atawa papanaw sin Imam SHafi'iy....

In rukun hangpu' tagtu biya' na sin:

1- Niyat sumambahayang
2- Tindug tu'lid ha makagaus tumindug
3- Takbiratul Ihram
4- Ruku'
5- I'tidal.
6- Duwa sujud
7- Lingkud ha ut sin duwa sujud
8- Massa sin Tahayat Akhir (tashahhud)
9- Lingkud ha Tahayat Akhir
10- Salawat pa Nabi ha tahayat Akhir
11- Tuma'nina (pagpahantap ha tiyap-tiyap rukun)
12- Salam pa tu-u iban lawa
13- Niyat gumuwah dain ha Sambahayang.

Ampa in sipat kawhaan amuna in sipat sin Allahu Ta'ala ha papanaw sin Asha'erah.

1. Wujud (in Allahu Ta'ala Awn).
2. Qidam (siya in nakauna ha wayruun panagnaan).
3. Baqa' (kakkal, way hinapusan)
4. Mukhalafa lil hawadis (biddah dain ha piyapanjari)
5. Qiyamuhu binafsihi (tindug ha kandiri niya)
6. Wahdaniyyah (tunggal)
7. Qudrah (gaus, kawasa)
8. Iradat (limaya)
9. Sama' (pangdungug)
10. Basar (pangita')
11. Ilm (panghati, pangingat)
12. Hayat (kabuhi')
13. Kalam (bissara)
14. Kawnuhu Qadiran (kaawnan niya makagaus)
15. Kawnuhu Mureedan( kaawnan niya limaya)
16. Kawnuhu Samee'an (kaawnan niya makadungug)
17. Kawnuhu Baseeran (kaawnan niya makakita')
18. kawnuhu A-liman (kaawnan niya makaingat)
19. Kawnuhu Hayyan (kaawnan niya buhi')
20. Kawnuhu Mutakalliman ( kaawnunan niya magbissara)

     Amu ini in sipat sin Tuhan ha pamaratsaya sin Asha'erah iban piyatubtub nila di in sipat sin Tuhan. Awn pa kaibanan sipat biyah na sin sipat khabariyyah amuin biyaytah ha Qur'an iban Hadith wala' nila liyamud ha sipat sin Tuhan sagawah tiya'wilan nila pa dugaing ma'ana.

     In piyagbiddaan sin Aqeedah sin salaf iban sin Asha'erah in manga salaf piyaratsaya nila in katan sipat amuin piyagsipat sin Allahu Ta'ala pa Jat niya iban sin piyagsipat kaniya sin Rasul niya ha wala' nila piyalling in ma'ana niya, wala' nila siyarupa, wala' nila piya-anggil pa piyapanjari, wala' nila biyugtuh in kasabunnalan sin ma'ana sin sipat sin Allah..

wallahu a'lam..

tungud ha badju aun sap tau atawa kan binatang

Pangsubu:

Ben-ajar Tingkasan

    salam,, mga taymanghud ku ha agama islam...
awn ini pangasubu ku...
     Makajari baha dahun ta sumambahayang in badju amun taga sap tau iban hayup?.

 

Jawab:

Kas Sayfuddin

     Wa alaykum mussalam tuwan ha tungud sin pangasubu mu.

     Di' manjari sumu'lug sin badju awn sap dun makhluq taga nyawa byah na sin tau atawa hayup. Sabab sin Hadith dain kan abu talha laung sin Rasul s.A.W:

لا تدخل الملائكة بيتا فيه صورة. رواه البخار...ي و مسلم

Di' sumud in mga Malaikat palaum bay Awn duun PATTAH. (kiyariwayat hi Bukhari Ibn Muslim)

    In ini manunjuki HARAM n pag pakay kanya. Dain ha sabab yan di' manjari dahun magsambahayang n badju taga sap tau atawa binatang

     Na, bang sawpama diya nya simambahayang, ha IFTAH sin kamatauran ULAMA , SAHI in sambahayang nya sah AWN DUSA niya apabila kyahahatihan nya in hukuman sin di' manjari in magsu'lug tamungun taga sap tau atawa binatang.

     Adapun n mga Awam ha hukuman yaun(hatinya wala nila kyaingatan n mgsuhlug sn byad2 bat awn dh manjari. Na SAHi in sambahayang nila sartah way DUSA nila sabab sin kaawam nila.

Wallahu A'lam..

Tungud napaka lahil iban batin

Pangasubu:

Pinkshade Jilhano

     Salam mga kakasih ko ha agama islam,ini pangasubuh sin tymanghud ko ha agama islam. Aun ini pangasuboh nya. 

     Harus n usog mamugit ha asawa nya sabab kyabin nya n asawa nya ha hulah sabab n sya nag uusaha ha hulah dugaing, ubos hangkanna nya hbugit n asawa nya pasalan in reason nya napaka batin dh nya na hkadul saran na n napakah kunoh lahil. byahdien n hantang sin hal ha ini. 

     Uno harus atawa hyalah ini sin agama islam n manjari nya hbugit n asawa nya? pangasubo ko ini ha mga kaguruhan kakasih ko ha agama islam. Magsukol... Magmaap da kuman. ini mabayah humatih.

Jawab:

Ibn Shaakir

     Wa alaykumusslam warahmatullahi Wabarakatuhu  sis Pinkshade.

     In nafaqa Batin, haqq sin Asawa, Damikkiyan in nafaqah kabuhi-anan pa mga anak iban Asawa WAJIB. Dayin ha sabab yadtu, pagka' nag-agad in duwa piyangda-akan sin Allahu Ta'aala iban Sunnah sin Rasulullahi (Sallallahu Alayhi Wasallam), way dapat subay mapa-aun muna in hambuuk dayin ha duwa yadtu. Unu marayih in pa-unahun, pagparihala' sin Nafaqa baatin atawa pagparihala' sin tubu' (Kabuhi')?

     Na, bang in tiyulak sin Bana mu karna' sin DARURAH (Necessity) sin family niyu, subay mapajatu muna in hambbuk dayin kanila, hasupaya dih kita mahulug pa MAFSADAH (cause of social discord), sabab piyang daakan in pagpaliharah ha lima (5) parakalah dumatung ini (Objectives of Jurisprudence) hasupaya dih kita mahulug pa MAFSADAH (cause of social discord).

Kiyahatihan sin makahati in Objectives of Jurisprudence, lima in taud niya sartah magsunuh-sunuh siya:

1-(Al-deen ) Religion
2-(Al-nafs) Self
3-(Al-aql) Mind
4-(Al-nasl) Family lineage (descent)
5-( Al-mal) Wealth

Laung sin rules of jurisprudence: " Avoiding disadvantage is better than performing benefits."

     In pagtinggal sin paglawag napaka (altah) parsababan hikahulug sin manusiyah pa MAFSADAH (cause of social discord). Amu ini in sabab hikalawah sin kabuhih sin manusiyah, sabab bang tinggalan in pagpaliharah sin Al-mal (wealth) tantu dih mabuhih in manusiyah.

 

     In damikkiyan niya ra isab subay maparihala in AL-NASAL (tubuh), daing ha sabab yattu subay in paglawag napaka hika parihalah sin tubu, pasalan bang altah sadja in maparihalah hikabin in Al-nasal (Family lineage or descent) mahulug siya pa MAFSADAH (cause of social discord), biyah na agi sin kamaasan taniyu in altah sugpat sin kabuhih, bang paliharaun muna in paglawag sin kabuhianan sambil kabuhih mara niya pa karayawan, sah bang tinggalan in paglawag sin napaka mara katan pakangian.

     Dayin ha sabab yadtu sis Pinkshade, BUKUN yadtu reason in dih niya hikatunay sin haq niya kaymu in hibugit kaw, except amuin hikamula na tuud kaniyu in paghambuuk niyu ha kabuhi' niyu, labi lubah na in pag-agama niyu. Wa laa hawla wa laa quwwata illa billaah. In dayin ha mga hikmat sin paghambuuk pangatayan sin duwa magtiyaun, amuna in papanjarihan sila sin Allahu Ta'aala ha antara' nila "Mawaddatan wa Rahmah" (Paglasa-liyasahi iban pag-ulung-iyulungi).

Ampa in Panghu' natu' Muhammad (Sallallahu Alayhi Wasallam) nag-ibut-ibut tuud amun paparayaw-rayawun in Bana pa ka-asawahan niya.

وَاسْتَوْصُوا بِالنِّسَاءِ خَيْراً ...فَاسْتَوْصُوا بِالنِّسَاءِ خَيْراً » رواه البخاري «

     Bang sawpama awn tuud maksud sin Usug, bang mayta' niya hibugit in Asawa niya, subay niya baytaan, hasupaya in Baba-i di' magkasusahan. Nah, bang in maksud niya gumanap, maytah isab kailu hibugit in puun niya, sin nagtataat da isab kaniya?. Andu', maka-ulung in Baba-i iban sin mga Anak niya, bang wayruun na Bana mag-upiksa' kanila. Mataud Usug bihaun ha zaman ini, tiyu'-tiyuh sallah mahinang sin Baba-i, di' makasandal magtuy hibugit in Asawa. Biya' sin sakaula-ula in pag-asawa nila pangina-kinam sadja atawa panayaman sadja?!.

     Atawa kan sawkat na in pagtalaq ha lima nila, magtigas-tigas na sila unu-unu in kabayaan nila hinangun nila na ha kaasawahan nila, laung nila: " Wayra san mahinang sin babae yari ra katuh in kunsi' sin pagtalaq minsan san sila magpasparan wayra mahinang nila, biya' sakaula-ula dain hakababaihan na sadja in kasaan di' na sila magkasa', atawa in sakaula-ula wayna tuud kapatut sin babae, atawa bang makasobra na in kaanyahan nila di' na manjari in babae magreport pa sara'?!.

     Amu sadja in patumtum namuh ha mga sila kiyasuran sin kuuk in uh nila pagmabugah kamu pa Allahu Taala paawna niyu in kaadilan sumanyang kamu, ha wayruun kaadilan dih natuh mapamarinta in Islam ha hulah taniyu misan pa kitaniyu mag-daraawa na muslim. (Bukun katan tabiya')

     In paglasa sin duwa magtiyaun saka-ummulan, bang ha bahasa sin anggalis " Forever " sa lugay nila buhi', ayaw makabu'lak ha pag-unung-unung sin duwa magtiyaun in tiyuh-tiyuh sasalla-an. Bang sawpama awun misunderstanding nila, subay nila pagbissarahan marayaw, bukun, amuin di' na mag-asip atawa magtuy magpalanduh sin dugal sambil mabut na pa pag TALAQ. Awna niyu in paglasa-liyasahi iban pag-ulung-iyulungi ha antara' mu Yaa kaw Bana iban Asawa, iban pagmabuga' kamu pa Allahu Ta'aala, inshaallah successful in married life niyu diy ha Dunya, iban ha adlaw akhirat makapaghambuuk da kamu halaum Surga', bi-idznillah.

Wallahu A'lam bissawab.

hukuman sin pag ipat Iru'

Pangsubu:

Alimuktar Balilo Insani

     Assalamu alaykum..unu in hukuman sin pag ipat iruh?..unu manjari siya ipatun?..maaf da kuman..

 

 Jawab:

 

Najs Sarail Tahir

     SUBHANAKA LA ILMA LANA ILLA MA ALLAM TANA INNAKA ANTAL ALIYMUL HAKEEM..

Wa Alaikumussalaam warahmatullaah. Shukran ha pangasubu mu taimanghud..

     In pag ipat IRUH naduwa in Hukuman nya hika isa HARAM dih manjari ipatun,in hika duwa JAIZ manjari siya..

     Adapun in HARAM amuin mag ipat iruh byah cin mga sila dugaing Agama amuin piyapalangka pagkaputan,pyapayguan sud guwa mattu mari ha lawm bay..in ini haram sabab byah na sin Agi matarrang ha sarah cin Agama in IRUH najis in katan baran nya labi in laway niya, byah na sin hadith nasabbut ha pag sutsi sin kakaunan amuin kadilatan sin IRUH sutsihun siya maka pitu in panagnaan saltunun muna sin lupah ampa hugasan maka unum..
 

In hika duwa dih sumud in MALA`IKAT sumuuk pa BAY bang taga iruh:  

     Hadith dayn kan Aaisha(Rdh) lawng niya jiyanjian in Rasul swa cin Jibril hambuuk waktu bisitahun,dimatung man in waktu yaun wala dimatung in jibril,lawng hi Aaisha in kaawnan lawng niya sin Rasul nagkakaput tungkud, dyn hasabab yat2 lawng niya byugit atawa siyabulak sin Rasul in tungkud dayn ha lima niya iban Agi:

 

Wala nangbaluba in ALLAHU TAALA janji iban sin mga Rusul niya(daak niya)mga malaikat niya, mahuli lawng niya limingi in Rasul swa FAIZA JIRWU KALBIN TAHTA SARIRIHI unu pakaw lawng niya Awn iruh ha baba sin kantil niya..lawng niya: kahnu nakasud in IRUH ini?

 

Lawng hi Aisha:wallaahi dih ku kaingatan bng kahnu yan nkasud..nangdaak in Rasul swa pyaguwa in iruh, FAJA'AHU JIBRIL pagguwa sin IRUH dimatung in Jibril, 

 

Lawng sin Rasul swa:
     Jiyanjian mu aku nagtagad aku kaimu sah walah kaw dimatung.

Sambung sin Jibril:

     MANAANIY KALBU ALLAZI KANA FI BAITIKA in nkapahgang atawa nka delay kakuh lawng niya amuin Iruh ha lawm bay mu INNA LA NADKHULU BAITAN FIHI KALBUN WALA SUWRATUN sabunnal tuud lawng nya in kami mga malaikat dih kami sumud pa BAY awn IRUH iban PATTAH niya.(rawahu Muslim)

     Adapun makajari mag ipat IRUH hamaksud amuin usalun siya dahun MAMALIM atawa daakun magjaga ha ipatan byah na sin kambing, iban mga untah, sapih sabab in mga sila nka una usalun nila in iruh magjaga sin ipatan nila iban pagdahun nila Mamalim mga usa.

Hadith nasabbut sin Rasul swa dayn kan IBNI UMAR(Rh) QALA:
     SAMIHTU RASULLAHI SAW YAQUWL(MAN IQTANA KALBAN ILLA KALBA SAYDIN AW MA`SHIYATIN FAINNAHU YANQUSU MIN AJRIHI KULLA YAMIN QIYRAATA`NI. (muttafakkun alaihi)

In mahna nya:
     Dain kan ibnu umar lawng niya dyungug ku in Rasul swa nag kabtangan lawng niya hi siyu siyu in mag tawuh iruh bimahna mag ipat iruh malaingkan iruh amuin usalun dahun Mamalim iban usalun magjaga sin mga ipatan hayup, nah!! sabunnal tuud hilangan atawa kulangan in karayawan niya adlaw adlaw duwa karayawan(bimahna kawaan siya adlaw adlaw duwa karayawan. Adapun in INQIRAA`T nasabbut ha dugaing hadith biyah lagguh bud uhud.

     Hati niya hisiyu siyu in mag ipat iruh ha bukun iruh amun pag usalun dahun mang hunting mamalim ibn usalun mag guard mag jaga cin mga hayup, nah!adlaw adlaw igan siya duwa karayawan biyah lagguh sin bud uhud..

     Dih ha hadith ini byah tah sin Rasul hati nya makajari mag ipat iruh sumagawa iruh usalun dahun mamalim atawa manghunting iban iruh hinangun guard magjaga sin mga hayup ipatan.

Pag puas dayn dit2 dh na makajari HARAM na in hukuaman niya..

Allaahu Ahlam bissawaab.

pabanahun sin maas in anak ha ri' kabayaan

Pangasubu:

Miskinan Kabayan

     Assalamualyakom,mnga guro namoh klshan bng sab in kmo dh mgbatih laol ha sususalan cn biah kmo kulang pnghati ha sarah,,in pngsubo bihaini,,psal cn mgtalianak ha tungod  pgbana. biyaddiin baha in hukoman cn ank amon lugoson cya sin maas nya ha dh nya kbyaan sh awn usg kiyabyaan nya.

     Ampa in usg yaon tau mryaw rasab,he kadto mgiibadat dasab,,bng in maas mangdah2 ha ank,,uno mkbak baha in ank dusa ha maas,atawa biyaddiin?mgsukol tumgad kmi cn jajawaban. MMtaud tuud nghappen bihaon katoh especially ha hula ta.

 

Jawab:

Kas Sayfuddin

     Wa alykmslm twan malingkat n pangasubu mu yan mataud toud mghapin ha hulah natoh sn bihan.

     Muna2x n mga ULAMA ng khelaf sila ha tungud sin anak budjang unu manjari lugusun sin maas pa banahun misan dh mabaya n anak atawa dh manjari?
     Nabahagi n mga ulama pa 2 papanaw sumagama n makusug papanaw "DIH SYA MANJARI LUGUSUN " sibuh da ibn sin LABAY NA PAGHULAH in ini mazhab h abu hanipa ibn sin pangabay nya, ibn mazhab ahmad bin hmbal ha hambouk riwayat, awza-e,asthawre, abi thaur, ibnu munzir, ibn h shykhul islam ibnu taymeyya in dalel nila amuna n mga ini:

1. hadith dan kan ibnu abbas awn hmbouk budjang myad2 pa nabi moh. Ampa nya byaytaan n nabi sin h amah nya pyabana sya ha usug kahukawan nya(dh nya kabayaan, nah pyapagpi sya sn nabi s.A.w dumuun ha bana nya atawa mgbutas) hadith hasan.
damikyan ha dugain riwayat ففرق بينهما
hatinya :( pyapagbutas sila karuwa)

2.Hadith لا تنكح البكر حتى تستأذن"dh manjari paasawahun n budjang hingga kapangayuan ijin"

3. In babae bng siya aqel balig na ampa awn mga pangalta nya(ex. Sasakatan ,tinda, bulawan amuin dain ha usaha sin babae yaun) dh manjari ha amah mgbaya baya sin altah sn anak nya babae yaun(byah sapantun hdagang nya n altah yaun) malainkan suby awn IZIN sn anak, nah byahdien na baha bng amuna n sahalgah halga pgkababae nya ?Lugusun sya ha bukun karidaan nya?Ha usug kahukawan nya? Sin in Allahu taala byutangan nya duun ha 2 mg tyaun n pgkasi ibn pg ulung مودة و رحمة
nah bng swpama n babae dyudugalan ha usug yaun hwnu d2 n pag kasi ibn pag ulung?

4. Ibn n babae jiyare kanya sin agama islam apabila kahukawan nya n bana amuin muklas sya dain ha bana yaun byah na sin ha bab sin fiqhالخلع
   

na byadien na baha bng ampa panagnaan pabanahun ha usug kahukawan nya?

Wallahu a'lam ganapan man sn kaguruhan.

 

Najs Sarail Tahir

     Shukraan tuwan kas guru nmuh kalasahan ha jawab yat2 matarrang tuud.
     Byah na cin nasabbutg sin guru natuh yat2 in JUMHUR atawa ktauran ulaam ibn na cin mga fuqaaha nasabbut ha FIQHUSSUNNA ibn ha kitab AZZIWAAJ lawng nila walah jiyari ha sar...ah amuin lugusun in babai pabanahan ha bkun Ridah atawa kugbaya nila..ha hadith nasabbut cin guru natu yat2..

     Adapun ha pangasubu mu bng makabak dusa upama in Anak bng nangdahdah in maas..in yattu tantu magdusa in Anak sabab lawng sin hadith sin Rasul swa: 

(RIDALLAHU ALA RIDAL WA`LIDAYNI WA SUKHTULLAHU ALA SUKHTIL WA`DAYNI) (hadith hasan)
     Lawng sin Rasul swa in ridah atawa ulung kasi sin mahasutsi ALLAAH yan duun ha ridah cin duwa maas adapun lawng cin rasul in dugal atawa astul cin Allaah yan duun ha astul dugal cin duwa maas.. Bimahna bng in duwa maas mu nagrida kaimu 100% in ikw kyAridaan kw cn Allah adpun bng in duwa maas mu dmugal imastul kaimu tantu tuud dmugal imastul kaimu in Allaah swt..

     Malagguh in parakala si duwa maas 2wan in tandah sin lagguh cin parakala ini siyugpat cin mahasutsi Allaah ha Panawhiri kaniya ha Parman niya nkapila nasabbut ha lawm sin Qur`an:
(WA QADA RABBUKA AN LA TAHBUDU ILLA IYYAAHU WABIL WA`LIDAYNI IHSAANA)
tyafsira ha Tafsirul muyassar in Ayat ini lawng nila:

    Pyangdaakan atawa hyukum kaimu oh kaw manusiya amuin dh kaw papag tag ipun papasumbahun dugain malaingkan kaniya amuna in ALLAH..WABIL WALI DAYNI IHSAANA mahuli lawng sin ALLAH.! Mahuli lawng nya ha panumbahi mu yan nah!ha duwa maas mu pagparayaw rayaw kaw..

     Pyangawaan atwa pyaguwaan hukumam cin mga ulamah lawng niya in ayat ini lawng nila misan pa in tau nagsambahayang nag puasa nag zakat nag ammal sale hatatkala kimangi in parsugpatan nya ibn cin Duwa maas niya tantu walah jmukup in pag iman nya dh kaingatan bng taimaun ka in kakahinang nya yaun atawa dh..ha basag lawng nila cin hukuman sarat amuin byantang pangdaaki cin Allaah ha ayat nasabbut ini.

Amuin siyugpat nya in pagtag ipun pa pag parayaw rayaw ha duwaa maas..

     Adapun bng amuin lyugus in babai bhan cn duwa maas nya ubus simagga ciya dh mabaya hbutang ta sambil miyaguy ib babai dayn ha sabab yat2 nangdah2x in duwaa maas kaniya in mga parakala muna muna magkalagihan xa marayaw kasalas say dh naku sumalassay humukum kaniya yan di in kaguruhan natuh cila yan in labi taga panghati..

     Adapun in ha kakuh wajib in maas subay 2ud muna muna in sila humati ha hukuman sarah atawa mangaru ha mga kaguruhan nkahati ha mga parakala ini para amuin dh sila maka liyu lakad makalanggal cin sarah cin Agama iban para maawun duun ha Antara nila ibn cin mga anak nila in pagkasilasa pag sawmbibi malawa in pagpangdahdah dayn ha hambuuk pa habuuk ibn pagbalih pangatayan dayn kanila..

     Adapun pa mga sila kaanakan kbabaihan anduh in maas kailu bkun yan amun sawla kamu pinian usug in yan hikamudarat kaniyu way kabayaan kailu cin maas malaingkan in hikasanyang cin Anak adakala hangkan kw yan liyawagan usug bat hikarayaw kaimu ha susungun mu.

     Anduh bng amuin usug taga agama da marayaw da in addat im sure dh sakan sb pinian cin duwa maas mu cin Pangit nkalandu pyatutup tup dasan isab kaimu, ayaw nkaw magpikil cin mga 2nang 2nang yan niyata na sadja bkun mu xa suratan bayah nkw bng bkun da usug kafir nag mamahsiat pa Allaah madawhat mupa in Ridah cin duwa maas mu labi luba in rida sin Mahasutsi Allaah dayn hasab yat2 hikasanyan cin pag dunya ibn akhirat mu, dyn sin maguy kw magdakup ibn cn 2nang mu nauzubillah liyahnat kw syuknaan cn duwa maas mu na labi in dugal lahnat cin Mahasutsi Allaah kaimu..WAL IZUBILLAAH..!

Allaahu Ahlaam bissawab yanda n kaguruhan natuh sahawihun nla man ibn ganapan..

 

 Tadjuk Lawihan

     Magsukul ha jawab sin manga kaguruhan mulliya.

     Awn sadja hijawab ku maniyuh-tiyuh ha pangasubu sin hambuuk taymanghud ha kabtangan niya:

" biyaddiin baha in hukoman cn ank amon lugoson cya sin maas nya ha dh nya kbyaan sh awn usg kiyabyaan n...ya,,ampa in usg yaon tau mryaw rasab,he kadto mgiibadat dasab"

     In Jawab namuh: in parakalah ini magbalik pa unu-unu in hikarayaw ha pagbana sin anak nila (budjang), sabab nagkaniya-kaniya in papanaw sin manga Ulama' ha parakalah ini, in iyaatud sin sharah sin Agama Islam amuna in hikarayaw ha paglundang panun sin usug iban babai, nah wajib hakaamaan in lawagan nila usug nag-iibadat in anak nila budjang hasupaya humatul in pagbaybay sin duwa magtiyaun..

     Laung sin kaibanan Ulama' apabila awn usug kabayaan sin anak nila budjang sakali in usug yaun kuf'un laha hatiniya matup kaniya, biyah sin magsibuh in pangkat nila, magsibuh in pangadjih nila, magsibuh in pagkatau nila nah wayruun kapatut sin maas sumaggah ha kabayaan sin anak nila budjang, adapun bang in usug amuin kabayaan sin anak nila budjang wayruun kafa'a (pagtupan) nila nah awn kapatut sin amah mamahgangi kaniya.

     Apabila awn usug kabayaan sin anak nila budjang ubus awn isab usug dugaing kabayaan sin amah niya, sakali in usug amuin kabayaan sin babai iban sin kabayaan sin amah niya matup da kaniya karuwa nah laung sin kaibanan Ulama' subay agarun in kabayaan sin amah niya sabab in maas labi in ladju sin pamikil dain kaniya ha paglawag sin hikasanyang kaniya.

     Laung sin kaibanan Ulama' ha parakalah ini subay agarun in kabayaan sin babai hasupaya masanyang ha atay niya in pagbana niya. (Hashiyaat Ibn 'Abidin 2/315-316, Mughni Al-Muhtaj 3/153-154, Al-Mughni 6/477-478)

     In parakalah ini magbalik pa unu-unu in hikarayaw ha pagbana sin babai, sabab in Agama Islam piyanaug sin Allahu ta'ala dumihil kasanyangan ha katan manusiyah iban manghawni hakapiligruhan, subay in babai iban sin amah niya lawagun nila in hikarayaw sin paghulah-hulah bukun agarun in kananapsuhan nila karuwa.

Mahuli magsukul ha jawab sin kaguruhan..

wallahua'lam...